सिन्धुली । इजरायलमा बस्ने नेपाली अन तिमल्सिनाले सिन्धुली अस्पताललाई १० सेटोटेम पिपीई सहयोग गरेकी छिन । अनका भाई लोकमणी तिमल्सिना मार्फत उनले अस्पतालका स्वास्थ्यकर्मीका लागि पिपिई सेट पठाएकी हुन ।
उक्त पिपीई सेट लोकमणिले अस्पताल विकास समितिका अध्यक्ष प्रलाद कुमार पोखरेललाई मंगलबार हस्तान्तरण गरेका छन । अस्पतालको अनुरोधलाई स्वीकार गर्दै उनले उक्त सेट पठाएकी हुन । उनले आफु पनि बाँच र अरुलाई नि बचाउ भन्दै अस्पताललाई पिपीई सेट पठाएको बताएकी भाई लोकमणिले बताए ।
उनले गतहप्ता सिन्धुली अस्पताललाई एकहजार थान माक्स, सयवटा हात धुने सावुन पठाएकी थिइन ।
तिनपाटन गाउँपालिकाको बाहुनतिल्पुङकी उनले तिनपाटन गाउँपालिकालाई पनि २ हजार ५ सय थान माक्र्स, १ हजार ७ सय हातधुने साबुन पठाएकी थिईन ।
Advertisement. Scroll to continue reading.
फेसबुक मार्फत प्रतिकिया दिनुहोला
