सिन्धुली । कमलामाई नगरपालिका वडा नं. ७ माझीटारमा रहेको किराना पसल, मासु पसल र होटलमा आगलागी हुदा २२ बराबरको धनमाल क्षती भएको छ । मंगलबार राती साढे १० बजे भएको आगलागीबाट २ वटा घरमा रहेकोे एउटा किराना पसल, एक वटा मासु पसल, एक वटा होटलमा क्षती पुगेको छ ।
ग्याँस राखेको किराना पसलबाट आगो उठेको तिनपाटन गाउँपालिका वडा नं. २ का सेम श्रेष्ठले बनाएको ट्रष्टमा रहेको उनको किराना पसल र मासु पसलको १० लाख क्षती भएको प्र्रहरीले जनायो । यस्तै सोहि पसलसँग जोडिएको हिरा प्रधानको घरमा केहि क्षती पुगेको जिल्ला प्रहरी कार्यालय सिन्धुलीले जनायो । उनको घरमा ५ लाख बराबरको क्षती भएको छ ।
यस्तै हिरा प्रधानको घरमा रहेको होटलको ७ लाख बराबरको क्षती भएको प्रहरीले जनायो । आगो कमलामाई नगरपालिकाको दमकल लगि सेना र प्रहरीको टोली खटि नियन्त्रणमा लिएको जिल्ला प्रहरी कार्यालय सिन्धुलीका एसपी रञ्जु सिग्देलले बताईन ।आगलागी के कसरी भयो भन्ने एकीन भने हुन सकेको छैन ।
