सिन्धुली । दुधौली नगरपालिका ११ मरघट्टीमा सिंचाईको लागि खनिएको पोखरीमा डुबेर बुधबार एक बालिकाको मृत्यु भएको छ । मृत्यु हुनेमा मरघट्टी बस्ने ८ वर्षीय ममता सुनुवार रहेकी छिन् ।
आफ्नो घरबाट १ किलो मिटर दक्षिणमा पर्ने मरघट्टी सानोचौरी दुई धारा संस्थाद्वारा सिचाईको लागि खनेको जोडी गैरी पोखरीमा पौडी खेल्ने क्रममा बालिकाको डुबेर मृत्यु भएको हो ।
पोखरीमा डुबी रहेकी सुनुवारलाई खानेपानी लिन जाँदै गरेको समयमा स्थानीय बालक संगम सुनुवारले देखेपछि ममताको ठूलो बाबालाई खबर गरेका थिए ।
उनलाई परिवारले उद्धार गरि उपचारको लागि कटारी नगर अस्पताल, उदयपुर लगेकोमा उपचारको क्रममा उनको मृत्यु भएको जिल्ला प्रहरी कार्यालय सिन्धुलीका प्रहरी उपरीक्ष लालध्वज सुवेदीले जानकारी दिए । प्रहरीका अनुसार उक्त लाशलाई पोष्टमार्टमको लागि दुधौली नगर अस्पताल सिर्थौली पठाईएको छ ।
Advertisement. Scroll to continue reading.
फेसबुक मार्फत प्रतिकिया दिनुहोला
