सिन्धुली । ६८ औं राष्ट्रिय सहकारी दिवस सिन्धुलीमा पनि विभिन्न कार्यक्रम गरि मनाईएको छ । बुधबार ‘मर्यादित सहकारीः समुन्नत समाज’ भन्ने नाराका विभिन्न कार्यक्रमको आयोजना गरि सहकारी दिवस मनाईएको हो ।
जिल्ला सहकारी संघ सिन्धुली, राष्ट्रिय सहकारी बैङ्क सिन्धुली र कमलामाई नगरपालिकाको आयोजना तथा जिल्ला बचत तथा ऋण सहकारी संस्था सिन्धुलीको संयोजनमा सिन्धुलीमाढीमा बिहान प्रभातफेरी कार्यक्रम गरियो भने सिन्धुली अस्पतालका २७ जना विरामीहरुलाई फलफूल वितरण गरि मनाईयो ।
यस्तै सहकारी दिवसका अवसरमा साँझ लोकतान्त्रिक चोकमा दीप प्रज्वलनको कार्यक्रम गरि सहकारी दिवस मनाईएको छ । जिल्लामा क्रियाशिल सहकारीकर्मीहरुको सहभागितामा सिन्धुलीमाढीमा अन्तक्र्रिया कार्यक्रम समेत गरिएको छ । यस्तै जिल्लाका सबै स्थानीय तहले विभिन्न कार्यक्रमको आयोजना गरि सहकारी दिवस मनाएका छन ।
सहकारी अभियानको औपचारिक थालनी भएको दिनको स्मरण गर्दै हरेक वर्ष चैत २० गते राष्ट्रिय सहकारी दिवस मनाईदै आएको छ ।
