सिन्धुली । जिल्लाका तीन स्थानीय तहले र्आिर्थक वर्ष २०८२/०८३ को वित्तीय प्रगति सार्वजनिक गरेका छन् । स्थानीय तहहरुले आर्थिक वर्ष २०८२/०८३ को भुक्तानी निकासा बन्द गरि वित्तिय प्रगति सार्वजनिक गर्न थालेका हुन् ।
कमलामाई नगरपालिका, मरिण गाउँपालिका र हरिहरपुरगढी गाउँपालिकाले चालु आर्थिक वर्षको वित्तीय प्रगति सार्वजनिक गरेका छन् । चालु खर्च र पूजीँगत खर्च गरि कमलामाई नगरपालिकाले ८३ दशमलव २८ प्रतिशत, हरिहरपुरगढी गाउँपालिकाले ७४ दशमलव ४४ प्रतिशत र मरिण गाउँपालिकाले ७८ दशमलव १५ प्रतिशत खर्च गरेको सार्वजनिक गरिएको विवरणमा उल्लेख छ ।
कमलामाई नगरपालिकाले सार्वजनिक गरेको विवरण अनुसार नगरपालिकाको १ अर्ब ३२ करोड ६९ लाख ३५ हजार २ सय २७ दशमलव ४३ कुल विनियोजित बजेटमा १ अर्ब १० करोड ५१ लख १३ हजार ३ सय १४ दशमलव ७८ रुपैँया खर्च गरेको छ । कमलामाई नगरपालिकाका प्रमुख प्रशासकीय अधिकृत किरणनीधि तिवारी र लेखा अधिकृत टेकेन्द्र कार्कीद्वारा जारी विवरणमा नगरपालिकाले चालु तर्फ ८६ दशमलव ९७ प्रतिशत र पूँजीगततर्फ ७२ दशमलव ५६ प्रतिशत खर्च गरेको जनाएको छ ।
त्यस्तै हरिहरपुरगढी गाउँपालिकाले ६८ करोड ७६ लाख ४१ हजार २ सय ३२ रुपैँया कुल विनियोजित बजेटमध्ये ५३ करोड २५ लाख ५८ हजार ६ सय २८ दशमलव ८६ रुपैँया खर्च गरेको गाउँपालिकाका प्रमुख प्रशासकीय अधिकृत कृष्ण्हरि न्यौपानेले जानकारी दिएका गाउँपालिकाले सार्वजनिक गरेको विवरणमा चालु खर्चतर्फ ७९ दशमलव ५६ प्रतिशत र पूँजीगत खर्चतर्फ ७७ दशमलव ४४ प्रतिश बजेट खर्च भएको छ ।
त्यसैगरि मरिण गाउँपालिकाको आर्थिक वर्ष २०८२/०८३ मा ७६ करोड १३ लाख ७८ हजार ८ सय रुपैँया कुल बजेट विनियोजन गरेको थियो । गाउँपालिकाले चालुतर्फ ८४ दशमलव १८ प्रतिशत र पूँजीगततर्फ ६६ दशमलव ६६ प्रतिशत खर्च गरेको मरिण गाउँपालिकाका प्रमुख प्रशासकीय अधिकृत महेश श्रेष्ठले जानकारी दिए ।
