सिन्धुली । राष्ट्रसेवक बचत तथा ऋण सहकारी संस्थाको अध्यक्षमा तिलक बहादुर कार्की निर्वाचित भएका छन् । शनिबार सिन्धुलीमाढीमा सम्पन्न १८ औं साधारणसभा तथा अधिवेशनबाट उनी सर्वसम्मत अध्यक्षमा निर्वाचित भएका हुन् ।
कार्कीको अध्यक्षतामा ११ सदस्यीय नयाँ कार्यसमिति सर्वसम्मत निर्वाचित भएको छ । जसको उपाध्यक्षमा दिपकराज तिमल्सिना, सचिवमा वेदराज काफ्ले, र कोषाध्यक्षमा युवराज थापा अटल निर्वाचित भएका छन् । यस्तै सदस्यहरुमा कुमार थापा, बसन्ता घिमिरे, चन्द्र बहादुर मगर, राजेश फुयाँल, अनिता मगर, लोकेन्द्र भण्डारी, गोविन्द बहादुर बस्नेत निर्वाचित भएका छन् ।
यस्तै अधिवेशनले लेखा सुपरिवेक्षक समिति, ऋण उपसमिति, महिला उपसमिति, शिक्षा उपसमिति तथा सल्लाहकार समिति समेत निर्वाचित गरेको छ ।
बद्रीनारायण श्रेष्ठको अध्यक्षतामा लेखा सुपरिवेक्षक समिति निर्माण भएको छ । जसको सदस्यमा ललराम अधिकारी, सरोज फुयाँल रहेका छन् । यस्तै ऋण उपसमितिको संयोजकमा दिपकराज तिमल्सिना र सदस्यहरुमा राजकुमार प्रसाईं र जीत बहादुर खत्री निर्वाचित भएका छन् । बसन्ता घिमिरेको संयोजकत्वमा ३ सदस्यीय महिला उपसमिति निर्वाचित गरिएको छ । जसको सदस्यमा राधा कुमारी कोईराला, इन्द्रिका थापा निर्वाचित भएका छन् ।
यस्तै शिक्षा उपसमितिको संयोजकमा चन्द्र बहादुर मगर र सदस्यहरुमा सन्तोष बराल र लोकमणि तिमल्सिना निर्वाचित भए । अधिवेशनले सल्लाहकार समितिमा पदम बहादुर मगर, डिल्ली प्रसाद घिमिरे, अमर बहादुर भुजेल, बविन्द्रलाल माझी, कृष्ण प्रसाद बराल, गोकर्ण प्रसाद सुवेदी, गणेश बहादुर श्रेष्ठ, हिमाल वि.क, घनश्याम देवकोटा निर्वाचित भएका छन् ।
निर्वाचित कार्यसमितिलाई निर्वाचन मण्डलका संयोजक गुणविक्रम कुवँरले सपथ गराएका छन् भने नेपाल निजामती कर्मचारी संगठनका केन्द्रीय अध्यक्ष भवानी न्यौपाने दाहालले बधाई ज्ञापन गदै प्रमाणपत्र वितरण गरेकी छिन् ।
