सिन्धुली । कमलामाई नगरपालिका वडा नं. ८ माईस्थानमा विहिबार साँझ भएको दुर्घटनामा परि ३ जना घाईते भएका छन ।
दुधौलीबाट सिन्धुलीतर्फ आएको बा१६च८७९१ नम्बरको स्कारपियो र सिन्धुलीबाट रौतहटको चपुरतर्फ जाँदै गरेको प्र२–०३–००१ख५१२९ नम्बरको ट्रक ठोक्किंदा तीनजना घाईते भएको जिल्ला प्रहरी कार्यालय सिन्धुलीका डिएसपी सूर्यप्रकाश सुवेदीले बताएका छन ।
उनका अनुसार दुधौली नगरपालिका वडा नं. ९ का ४८ वर्षिय विनोद पञ्जियार, ४० वर्षिय सन्तोष नायक र अनिल कपटी घाईते भएका हुन । घाईतेहरुको सिन्धुली अस्पतालमा उपचार भईरहेको छ । घाईतेमध्ये एकजनाको अवस्था गम्भिर रहेकाले ट्रमा सेन्टर रिफर गरिएको उनले बताए । गम्भिर घाईते हुनेमा अनिल कपटी रहेका छन ।
Advertisement. Scroll to continue reading.
ट्रक, स्कारपियो र स्कारपियो चालक शुशिल कुमार कपाडी र ट्रक चालक मन्तविर मन्सुरलाई प्रहरीले नियन्त्रणमा लिएको छ ।
फेसबुक मार्फत प्रतिकिया दिनुहोला
