सिन्धुली । निजामती सेवा दिवसको अवसरमा जिल्लाका तीन कर्मचारी संगठनहरुले बुधबार सिन्धुलीमाढी संयुक्त रुपमा वृक्षारोपण गरेका छन । नेपाल निजामती कर्मचारी संगठन सिन्धुली, नेपाल निजामती कर्मचारी युनियन सिन्धुली र नेपाल राष्ट्रिय कर्मचारी संगठन (निजामती) सिन्धुलीको संयुक्त आयोजनामा सिन्धुलीमाढीमा वृक्षारोपण गरिएको हो ।
विभिन्न जातका फलफूलका विरुवाहरु रोपिएको संगठनका अध्यक्ष डिल्ली सौगात घिमिरेले बताए । उनका अनुसार नापी कार्यालय अगाडीको खाली जग्गामा १७, १८ थरी फलफूलका ३३ वटा विरुवा रोपिएको छ ।
नेपाल निजामती कर्मचारी संगठन जिल्ला कार्यसमिति सिन्धुलीका अध्यक्ष डिल्ली सौगात घिमिरेको अध्यक्षता तथा प्रमुख जिल्ला अधिकारी दिनेश सागर भुषालको प्रमुख आतिथ्यतामा औपचारिक थालनी गरिएको वृक्षारोपण कार्यक्रममा नेपाल निजामती कर्मचारी युनियन सिन्धुलीका अध्यक्ष दिनेश कुमार पोख्रेल, नेपाल राष्ट्रिय कर्मचारी संगठन (निजामती) सिन्धुलीका अध्यक्ष राजकुमार गोले, कर्मचारी संगठनका केन्द्रीय सदस्य पदम बहादुर मगर, कोष तथा लेखा नियन्त्रण कार्यालय सिन्धुलीका प्रमुख कोष नियन्त्रक हरिहर शर्मा तिवारी, जिल्ला प्रहरी कार्यालय सिन्धुलीका कार्यालय प्रमुख लालध्वज सुवेदी, सरकारी वकिल कार्यालय सिन्धुलीका जिल्ला न्यायाधिवक्ता निमा घिमिरे, जिल्ला अदालत सिन्धुलीका श्रेस्तेदार श्री चित्रधर अधिकारी, राष्ट्रिय कृषि आधुनिकीकरण कार्यक्रम कार्यक्रम कार्यान्वयन एकाइ सिन्धुलीका प्रमुख याम कुमार श्रेष्ठ, जलश्रोत तथा सिंचाई डिभिजन कार्यालय सिन्धुलीका प्रमुख कृष्ण बहादुर पाण्डे, डिभिजन बन कार्यालय सिन्धुलीका प्रमुख राम कुमार भण्डारी, कृषि विकास कार्यालय सिन्धुलीका प्रमुख अनुप अधिकारी, नापी कार्यालय सिन्धुलीका कार्यालय प्रमुख आशिस चालिसे, कर्मचारी मिलन केन्द्र सिन्धुलीका सचिव प्रविण कटुवाल, नेगो बागमती सचिव दिपक तिमिल्सिना, प्रभुनाथ प्याकुरेल, सिविए सिन्धुलीका अध्यक्ष तिलक बहादुर कार्की, कर्मचारी यूनियनका केन्द्रीय प्रतिनिधि सुर्य घिमिरे, नेगो बागमती प्रदेश सदस्य मिन बहादुर थापा, युनियन बागमती प्रदेश सदस्य कुमार थापा लगायतको सहभागिता रहेको थियो ।
