सिन्धुली । मदनभण्डारी राजमार्गमा सवारी दुर्घटना हुँदा एकजनाको मृत्यु भएको छ भने १० जना घाईते भएका छन । जिल्ला प्रहरी कार्यालय सिन्धुलीका अनुसार विहिबार मदनभण्डारी राजमार्ग अन्तर्गत दुधौली नगरपालिका वडा नं. ४ एक हटियामा डकाहाबाट दुधौली तर्फ जाँदै गरेको प्र२–०१–००१प७०११ नम्बरको मोटरसाईकल र उदयपुरबाट काठमान्डौ तर्फ जाँदै गरेको बा.प्र.०३–०१ज४४५ नम्बरको इभि गाडी ठोक्किएर दुर्घटना भएको हो ।
दुर्घटनामा परि मोटरसाईकल चालक तिनपाटन गाउँपालिका १० औलडाँडाका २६ वर्षिय प्रेम रानाको मृत्यु भएको छ । उनको उपचारका लागि दुधौली नगर अस्पताल दुधौलीमा उपचारका लागि लाँदै गर्दा मृत्यु भएको हो ।
यस्तै दुर्घटनामा परि इभिमा सवार रहेका १० जना घाईते भएका छन । घाईतेमध्ये एक जनाको अवस्था गम्भिर रहेको छ । गम्भिर घाईते भएका उदयपुरको लालपत्ता गाउँपालिका ६ का २९ वर्षिय रोशनीमाया तामाङलाई थप उपचारका लागि ट्रमा सेन्टर काठमान्डौ रिफर गरिएको छ ।
यस्तै दुर्घटनामा परि घाईते हुनेमा उदयपुरको त्रियुगा नगरपालिका ११ का ४३ वर्षिय रुक्मा बस्नेत खड्का, त्रियुगा नगरपालिका १० का ७० वर्षिय शकुन्तला बस्नेत, त्रियुगा ११ का १६ वर्षिय आकृत खड्का, त्रियुगा नगरपालिका ६ बस्ने ३६ वर्षिय तारा वि.क, त्रियुगा नगरपालिका ११ बस्ने ३७ वर्षिय विन्दा कटुवाल, त्रियुगा ११ बस्ने ७ वर्षिय सिजु राउत, उदयपुरको रौतामाई गाउँपालिका २ का १७ वर्षिय योञ्जन खड्का र सिन्धुलीको दुधौली नगरपालिका ८ का ४८ वर्षिय चुडा कुमारी मिश्र घाईते भएको जिल्ला प्रहरी कार्यालय सिन्धुलीका प्रमुख एसपी गोविन्दराज काफ्लेले बताए ।
