सिन्धुली । भिमज्योति क्याम्पस खुर्कोटमा अनेरास्ववियुकी लक्ष्मी श्रेष्ठ स्वतन्त्र विद्यार्थी युनियनको अध्यक्षमा निर्वाचित भएकी छिन । उनी दोस्रो कार्यकालका लागि अध्यक्षमा निर्वाचित भएकी हुन ।
अनेरास्ववियु र अखिल (क्रान्तिकारी) को साझा प्यानलबाट उमेदवार बनेकी उनको सबै प्यानल विजयी भएको छ । १ सय ३१ मत रहेका उक्त क्याम्पसमा नेविसंघको अवरोधका कारण ३६ मत मात्र खसेको थियो । ३६ मतमा ३४ मत ल्याएर श्रेष्ठ अध्यक्षमा निर्वाचित भएकी हुन ।
यस्तै सचिवमा श्रेष्ठका प्यानलकारुपा भुजेल, कोषाध्यक्षमा सन्तोष ताम्राकार र सदस्यमा अस्मिता मंग्राती, पवित्रा सार्की र खुम बहादुर सार्की निर्वाचित भएका छन । यस्तै समानुपातिक तर्फ अनेरास्ववियुले २९ मत, अखिल (क्रान्तिकारी) ले ५ मत, नेविसंघले १ मत प्राप्त गरेका छन । विवादका कारण ८० जना विद्यार्थी मतदानका लागि आए पनि ३६ जनाले मात्र मत हाल्न पाएका थिए ।
