सिन्धुली । जडिवुटी खोज्न जाँदा भिरबाट लडेर शनिबार एक जनाको मृत्यु भएको छ । मरिण गाउँपालिका वडा नं. २ कटनडाँडाका ५८ वर्षका टेक बहादुर दंगालीको भिरबाट लडेर मृत्यु भएको जिल्ला प्रहरी कार्यालय सिन्धुलीले जनाएको छ ।
Advertisement. Scroll to continue reading.
शुक्रबार दिउँसो जडिबुटी खोज्न जंगल गएका दंगाली मुंग्रेभिरको खोंचमा मृत अवस्थामा भेटिएका छन । राती अबेरसम्म पनि दंगाली घर नआएपछि असार १ गते बिहान स्थानीय र आफन्तहरुले खोजी गरेका थिए । खोजी गर्दै जाँदा उनीहरुले दंगालीलाई चोटै चोट लागेको र मृत्यु भएको अवस्थामा भेटेका थिए ।
शनिबार नै मरिणको कपिलाकोटमा रहेको प्राथमिक स्वास्थ्य केन्द्रमा शवको पोष्टमार्टम गरि आफन्तको जिम्मा लगाईएको जिल्ला प्रहरी कार्यालय सिन्धुलीका एसपी गोविन्दराज काफ्लेले जानकारी दिएका छन ।
फेसबुक मार्फत प्रतिकिया दिनुहोला
