सिन्धुली । मदनभण्डारी राजमार्ग अन्तर्गत दुधौली नगरपालिका वडा नं. ९ आँपडाँडामा शुक्रबार मोटरसाईकल दुर्घटना हुँदा एक जनाको मृत्यु भएको छ भने एकजना घाईते भएका छन । दुधौली नगरपालिका वडा नं. ९ आँपडाँडामा एउटा मोटरसाईकलले अर्को मोटरसाईकललाई ठक्कर दिँदा दुर्घटना भएको हो ।
दुर्घटनामा परि दुधौली नगरपालिका वडा नं. १० का बेचु कुमँरको मृत्यु भएको छ । उनको उपचारका लागि कटारी अस्पताल लाँदै गर्दा मृत्यु भएको हो ।
यस्तै दुर्घटनामा परि दुधौली नगरपालिका वडा नं. ९ का हरि राउत घाईते भएका छन । उनको दुधौलीमा रहेको प्रयाग अधिकारी हस्पिटलमा उपचार भईरहेको जिल्ला प्रहरी कार्यालय सिन्धुलीले जनाएको छ ।
डकाहाबाट दुधौली तर्फ जाँदै गरेको १०प३९०९ नम्बरका मोटरसाईकललाई पछाडिबाट गईरहेको प्र१–०५–००१प६२८६ नम्बरको मोटरसाईकलले ठक्कर दिएको थियो । मोटरसाईकल ठक्कर खाएपछि दुवै मोटरसाईकलका चालक १० फिट तल खेतमा खसेको जिल्ला प्रहरी कार्यालय सिन्धुलीका डिएसपी चिरञ्जीवि दाहालले बताए ।
