सिन्धुली । इलाका प्रहरी कार्यालय भिमानले १४२ बोरा भारतबाट आएको चामल बरामद गरेको छ । मंगलबार विहान साढे ४ बजे भिमान चेकपोष्टमा चेकजाँच गर्दा विल विनाको चामल बरामद गरेको जिल्ला प्रहरी कार्यालय सिन्धुलीले जनाएको छ ।
जिल्ला प्रहरी कार्यालय सिन्धुलीमा पत्रकार सम्मेलन गरि चामल बरामद गरेर भन्सार कार्यालय जनकपुर पठाईएको जानकारी दिईएको छ ।
पत्रकार सम्मेलनमा बोल्दै एसपी राजकुमार सिलवालले चामल, चामल ल्याएको प्रदेश २–०३–००१ख७०६५ नम्बरको ट्रक र ट्रकका चालक सर्लाहि हरिपुर नगरपालिका ७ अजय चौधरीलाई थप अनुसन्धानका लागि भन्सार कार्यालय पठाईएको बताए । सिलवालले चामल सर्लाहिबाट काठमान्डौतर्फ लगिँदै गरेको बताएका छन ।
भारतीय ब्राण्डको चामल रहेको र विल विजक नभएकाले बरामद गरिएको उनले बताए । रिपुराज र सेभेन स्टार नामको चामल प्रहरीले बरामद गरेको छ ।
Advertisement. Scroll to continue reading.
फेसबुक मार्फत प्रतिकिया दिनुहोला
