सिन्धुली । नेकपा एमालेका जिल्ला कमिटी सदस्य एवम अनेरास्ववियुका बाग्मति प्रदेश सहसंयोजक लालबहादुर बुढाथोकीले आफुले अभिभावकत्व लिएर विद्यालय भर्ना गराएका विद्यार्थीहरुसँग आफ्नो जन्मदिन मनाएका छन । उनले आमा केशवकुमारी र श्रीमति सञ्जु वस्नेत सहित विद्यालयमा पुगि बालबालिकासँग जन्मदिन मनाएका हुन ।
जन्मदिनको अवसरमा बालबालिकाहरुलाई भेट्न उनीहरुको विद्यालय आधारभूति विद्यालय नाकाजोली गोलञ्जोर पुगेका बुढाथोकीले विद्यार्थीहरुलाई शैक्षिक सामग्री, स्कुल ड्रेस र विद्यालयलाई खेल सामग्री सहयोग गरेका छन ।
आफ्नो ३४ औं जन्मदिनको अवसरमा बुढाथोकीले विद्यालयका ३१ जना बालबालिकाहरुलाई शैक्षिक सामग्री वितरण गरे ।
केपी ओली नेतृत्वको वेलामा सञ्चालन गरिएको अपनत्व सहितको विद्यालय भर्ना अभियानका अवसरमा अपनत्व लिई विद्यालय भर्ना गराएका पाँच जना बालबालिकालाई स्कुल ड्रेस समेत सहयोग गरेका छन ।
२०७५ भदौ ६ गते उनले अपनत्व लिएर भर्ना गराएका आयुष हायु, गृष्मा मगर, सुस्मिता नेपाली, प्रिया हायु र विद्यालयले सिफारिस गरेका मंगलबहादुर सार्कीलाई सर्ट पाइन्ट सहित स्टेशनरी सहयोग गरिएको उनले बताए ।
यस्तै जन्मदिनको अवसरमा विद्यालयलाई फुटवल, नेपालको चुच्चे नक्सा र टेवल ग्लोवल सहयोग गरिएको बुढाथोकीले जानकारी दिए ।
बालबालिकालाई भर्ना गरेपछि फोन गरेर, भेटेर चासो लिए पनि विद्यालय नै पुगेर सहयोग गर्न नसकेकोमा जन्मदिनको अवसरमा भेट्ने अवसर पाएकोमा उनले खुशी व्यक्त गरे ।
