सिन्धुली । जिल्ला सहकारी संघ सिन्धुलीको अध्यक्षमा नवराज कोइराला निर्विरोध निर्वाचित भएका छन । २९ औं साधारणसभाबाट कोइराला अध्यक्षमा निर्वाचित भएका हुन । उनीसँगै सहकारी संघका पदाधिकारी, सदस्य तथा लेखा सुपरिवेक्षक समिति समेत निर्विरोध चयन भएका छन ।
संघमा निर्विरोध निर्वाचित हुनेमा उपाध्यक्ष निर्मलकुमार रम्तेल, महिला उपाध्यक्ष बिमला थापा, महासचिव अशोक श्रेष्ठ, सचिव खडानन्द तिमल्सिना, कोषाध्यक्ष राधा कार्की रहेका छन ।
यस्तै सदस्यहरु सम्भुप्रसाद गजुरेल, रेजिना श्रेष्ठ, पार्वतीदेवी भण्डारी, राम प्रसाद भण्डारी, सम्भुप्रसाद दाहाल, तोतादेवी बोगटी, नवराज गजुरेल, भीम बहादुर स्याङतान, राजन थापा रहेका छन ।
अधिवेशनले लेखा समितिका संयोजक तथा सदस्यहरु समेत निर्विरोध निर्वाचित गरेको छ । लेखा संयोजकमा बद्री नारायण श्रेष्ठ निर्वाचित भए भने सदस्यहरुमा लेखनाथ चौलागाई र खेम कुमारी पोखरेल निर्वाचित भएका छन ।
शुक्रबार सिन्धुलीमाढीमा नेतृत्व चयनका लागि भएको मनोनयनमा सबै पदमा एकल उमेदवारी परेको थियो । सबै पदाधिकारी तथा सदस्यहरुको निर्वाचन शनिबारका लागि तोकिएको थियो । शुक्रबार मनोनयनको कार्यक्रम थियो । निर्विरोध भएसँगै निर्वाचनको काम सकिएको छ ।
