सिन्धुली । कमलामाई नगरपालिकाको मेयर गबन्धनबाट साझा उमेदवार बनेका नेपाली कांग्रेसका उपेन्द्र कुमार पोखरेल विजयी भएका छन भने उपमेयरमा एमालेकी उमेदवार मञ्जु देवकोटा विजयी भएकी छिन ।
मुख्य निर्वाचन अधिकृतको कार्यालयले मतगणनाको अन्तिम परिणाम प्रकाशन गर्दै मेयरमा पोखरेल र उपमेयरमा देवकोटा विजयी भएको जनाएको छ ।
पोखरेल १४,१८७ मत ल्याई विजयी भएका छन् । उनले निकटतम प्रतिद्वन्द्वी एमाले उम्मेदवार महेन्द्रदेव श्रेष्ठलाई १ हजार ६ सय ११ मतान्तरले पराजित गरेका हुन् । श्रेष्ठले १२ हजार ५ सय ७६ मत ल्याएका छन् ।
यस्तै उपप्रमुखमा एमालेका उम्मेदवार मन्जु देवकोटा १२ हजार ६ सय ९४ मत सहित विजयी भएकी छन् । उनका निकटतम प्रतिद्वन्द्वी गठबन्धनका साझा उमेदवार नेकपा माओवादी केन्द्रका दिर्घराज श्रेष्ठलाई १ हजार ७ मतान्तरले पराजित गरेकी हुन । श्रेष्ठले ११ हजार ६ सय ८७ मत ल्याएका छन् ।
यसैबीच कमलामाई नगरपालिकामा बहुमत वडा र जनप्रतिनिधि सहित एमालेले उपमेयर जितेको हो । ७ वटा वडामा प्यानल नै विजयी भएको छ भने ४ वटा वडामा ७ जना सदस्य गरि ४३ जना जनप्रतिनिधि एमालेका विजयी भएका छन ।
