सिन्धुली । कमलाखोंच गोल्ड कप फुटवलको उपाधि सिराहाको सहलेस क्लबले जितेको छ । सिन्धुलीको दुधौलीको डकाहामा भएको पहिलो प्रतियोगिताको शुक्रबार सम्पन्न फाइनल खेलमा सागरनाथ युवा क्लब धनुषालाई २–० ले पराजित गर्दै सहलेसले उपाधि हात पारेको हो ।
नमुना जनउत्थान क्लब डकाहाले आयोजना गरेको प्रतिस्पर्धामा विजेता सहलेसले ट्रफी सहित नगद २ लाख रुपैयाँ पाएको छ भने उपविजेता सागरनाथ युवा क्लब धनुषाले १ लाख नगद पुरस्कार पाएको छ ।
Advertisement. Scroll to continue reading.
दुधौली नगरपालिकाको २ लाख ५० हजार, दुधौली नगरपालिका वडा नं. ४ को ५० हजार र स्थानीय व्यावसायीहरुको आर्थिक सहयोगमा प्रतियोगिता भएको थियो ।
प्रतियोगिताको फाइनल प्रतिस्पर्धा अखिल नेपाल फुटबल संघ (एन्फा)का अध्यक्ष कर्मासिंह शेर्पा र दुधौली नगरपालिकाका नगर प्रमुख घनश्याम राउतको विषेश उपस्थिति रहेको थियो ।
फेसबुक मार्फत प्रतिकिया दिनुहोला
