सिन्धुली । दुधौली नगरपालिकाको डकाहाबाट तिनपाटन गाउँपालिकाको चकमके तर्फ जाँदै गरेको स१च१६७७ नम्बरको डबल क्याप बोलेरो मंगलबार विहान करिब ११ बजे दुर्घटना भएको छ । दुधौली नगरपालिका वडा नं. ४को टोड्केमा भएको दुर्घटनामा परि एक जना महिलाको घटनास्थलमै मृत्यु भएको छ भने पाँच जना घाईते भएका छन ।
दुर्घटनामा परि तिनपाटन गाउँपालिका ११ की चम्पामाया तिमल्सिनाको घटनास्थलमै मृत्यु भएको छ भने दुधौली नगरपालिका ४ वनधाराकी ३२ वर्षिय सतिनिमाया तामाङ, दुधौली नगरपालिका ३ निपानेका ७० वर्षका प्रेमलाल श्रेष्ठ, दुधौली ३ कालापानीका ५३ वर्षका पृथ्वीनारायण श्रेष्ठ, दुधौली ६ हर्षाहिका ५५ वर्षिय दुर्गा श्रेष्ठ र तिनपाटन १० वाङरिङका ६३ वर्षिय मनमाया गौतम घाईते भएको जिल्ला प्रहरी कार्यालय सिन्धुलीले जनाएको छ ।
घाइतेहरु आमा मेमोरियल अस्पताल डकाहामा उपचार पछि घर फर्केका छन । जिल्ला प्रहरी कार्यालय सिन्धुलीका डिएसपी श्याम बहादुर खत्रीले बोलेरो सडकको नालामा पल्टेको र चालक फरार रहेकाले दुर्घटनाको कारण खुल्न नसकेको बताए ।
