सिन्धुली । भिमानका युवाहरुले महोत्तरीको वर्दिवासमा बलात्कार पछि हत्या भएकी बालिकाको न्याय र प्रहरीको गोली लागि मृत्यु भएका सञ्जय न्यौपानेको न्यायका लागि आन्दोलन गरेका छन ।
उनीहरुले शुक्रबार कमलामाई नगरपालिका वडा नं. ९ भिमानमा न्यायको माग गर्दै प्रदर्शन गरेका छन । रातो गुराँस युवा क्लब, पन्नेसि युथ क्लव, नब बथान चौडी युवा क्लब, इनार पानी युवा क्लब, प्रगतिशील युबा क्लब अफ दोभान, लियो क्लब र भीमान युवा क्लबको संयुक्त आयोजनामा न्यायको माग गर्दै प्रदर्शन गरेका हुन ।
युवाहरुले प्रदर्शनका क्रममा बलत्कारी र हत्याराको संरक्षण किन ?, कति चुप बस्ने अव त केहि बोलौं, सेभ आवर गर्लस, चुप लागेर बस्दैनौं, न्याय मर्न दिदैनौं लगाएतका नारा समेत लगाएका थिए ।
बर्दिबास घटनामा ६ बर्सिया बालिका गुलाब खातुनको बलात्कारपछिको हत्या भएको थियो भने न्याय माग्दै स्थानीयले गरेको आन्दोलनमा स्थानीय युवा सन्जय न्यौपानेको प्रहरीले गोली हानी हत्या गरेको थियो ।
दुवै घटनाको सत्य तथ्य छानबिन र दोषीलाई कारबाहीको माग गर्दै शुक्रबार साँझ भिमान चोकमा श्रद्धाञ्जली सभा गरिएको छ । दीप प्रज्वलन सहित सभाको आयोजना गरिएको भिमान युवा क्लबका सचिव दिनेश न्यौपानेले बताएका छन ।
