सिन्धुली । नेपाल निजामती कर्मचारी संगठन सिन्धुलीको अध्यक्षमा पुरुषोत्तम दाहाल सर्वसम्मत चयन भएका छन । शुक्रवार बसेको बिस्तारित बैठकले दाहालको नेतृत्वमा सर्वसम्मत नयाँ कार्यसमिति चयन गरेको हो ।
जसको उपाध्यक्षमा संघर्ष सक्षम मिश्र, महिला उपाध्यक्षमा बसन्ता घिमिरे, सहसचिबमा कुमार थापा र कोषाध्यक्षमा डिल्ली सौगात घिमिरे चयन भएका छन् ।
संगठनका केन्द्रीय अध्यक्ष केदार प्रसाद देबकोटाको प्रमुख आतिथ्यतामा सम्पन्न बैठकले कर्मचारी समायोजन पश्चात लामो समयदेखि रिक्त रहेको अध्यक्ष लगायतका अन्य पदहरू पुर्ति गरेको हो ।
नव निर्वाचित अध्यक्ष दाहाल सहितको टिमलाई प्रमुख अतिथि संगठनका केन्द्रीय अध्यक्ष देबकोटाले शपथ ग्रहण गराएका छन् । सो अवसरमा देवकोटाले आगामी ट्रेड युनियनको निर्वाचनमा जिल्लामा कर्मचारी संगठनलाई बिजयी गराउन लागि पर्न आग्रह गरेका छन ।
नवनिर्वाचित अध्यक्ष दाहालले संगठनले सदैव कर्मचारी हकहित, जनमैत्रि सेवा प्रवाह र सुशासन कायममा जोड दिएको भन्दै आफ्नो कार्यकालमा जिल्लामा संगठनलाई सशक्त ढंगले अगाडी बनाउने बताए । उनले आगामी असोज २४ गते हुने ट्रेड युनियनको निर्वाचनमा संगठनलाई बिजयी गराउनु आफ्नो प्रमुख मिसन हुने बताए ।
कार्यक्रममा सीबीएका निवर्तमान अध्यक्ष फणिन्द्र ढुंगेल, पेशागत माहासंघका टोम काफ्लेले नवनिर्वाचित नेतृत्वलाई बधाई ज्ञापन गरेका थिए । बैठक संगठनका कार्यवाहक अध्यक्ष तिलक कार्कीको अध्यक्षतामा सम्पन्न भएको थियो भने कार्यक्रमको सहजीकरण पदम मगरले गरेका थिए ।
यसैगरी नव निर्वाचित अध्यक्ष दाहालको अध्यक्षतामा शुक्रबार साँझ बसेको पूर्ण बैठकले सीबीएमा रिक्त पदका लागि संगठनको तर्फबाट अध्यक्षमा तिलक कार्की, सचिबमा शेषराज ढकाल र सदस्यहरूमा सुर्य थापा मगर, सुरेश बराल र सुजाता बस्नेतलाई पठाउने निर्णय गरेको छ ।
