सिन्धुली । धेरैलाई लागेका होला कोरोना संक्रमण देखिए पछि आइसोलेसनमा बसेका विरामी मानसिक तनावमा होलान । त्रसित होलान । परिवारमा चिन्ता होला । तर सिन्धुलीका कोरोना संक्रमितहरु भने सिन्धुली अस्पतालको आइसोलेसनमै नाचेर गाएर दिन विताउँछन । उनीहरुलाई कोरोना संक्रमण पुष्टि भएपछि क्वारेन्टाईनबाट आइसोलेसनमा आएदेखि नै उनीहरु यसरी रमाएका छन ।
भारतबाट आएका ती तीनजनामा क्वारेन्टाईनमा रहेका बेला कोरोना संक्रमण देखिएको थियो । संक्रमणपछि आइसोलेसनमा भर्ना गरिएको थियो । संक्रमण पुष्टि भएपछि क्वारेन्टाइन र आएसोलेसनबाटै संक्रमितहरु फरार हुने गरेको खबर आइरहदा उनीहरु भने आइसोलेसनमै म्युजिक डान्स र टिकटक बनाउनमै व्यस्त देखिएका छन ।
उनीहरुको उच्च मनोवल र कोरोना परास्त गर्ने आईडियाले अस्पतालका स्वास्थ्यकर्मी तथा व्यवस्थापन पक्ष समेत खुशी भएको छ । अस्पतालका कोभिड १९ फोकल पर्सन डा. प्रसन्नजंग राजभण्डारीका अनुसार संक्रमितकै अनुरोधमा अस्पताल व्यवस्थापनले उनीहरुको म्युजिक डान्सको भिडियो सार्वजनिक गरेको छ ।
उनीहरुको पिरिवार, आफन्त र समाजमा कोरोनाको त्रास बढीरहे पनि संक्रमितहरु भने उपचाररत आइसोलेसन कक्षमा उच्च आत्मवलसहित रमाई रहेका हुन्। कोरोना भाइरसको संक्रमण पोजिटिभ देखिएपछि सिन्धुली अस्पतलाको आइसोलेसन कक्षामा उपचार गरायरहेका तीन जना पुरुषहरु हरेक दिनजसो म्युजिक डान्स, टिकटकमा रमाई रमाइरहेको भिडियो सार्वजनिक हुने गरेको छ।
जिल्लामा पहिलो पटक कोरोना भाइरस संक्रमण पोजिटिभ देखिएका कमलामाई १४ रानिवासका २३ वर्षीया पुरुष र दोस्रो पटक एकैसाथ कोरोना पुष्टि भएका कमलामाई ११ का २३ वर्षीया र तिनपाटन गाउँपालिका ३ का २५ वर्षीया पुरुषलाई उपचारका लागि आइसोलेसनमा भर्ना गरिएको छ । संक्रमित ३ जनालाई एउटै कोठाको ३ वटा वेडमा राखिएको छ ।
तर उनीहरुमा न त कोरोना भाइरस संक्रमण भएको जस्तो छ न उनीहरुमा कुनै दुःख र त्रास नै । बरु आत्मबलका साथ सबैलाई प्रेरणा दिने गरी म्युजिक डान्स, टिकटकमा रमाई रहेको राजभण्डारीले बताए । उनीहरुले परिवार र समाजमा कोरोना संक्रमणबाट फैलिएको त्रास मेटाउन र आफु स्वस्थ रहन यसरी टिकटक र भिडियो बनाएको राजभण्डारीले बताए । सिन्धुली अस्पतालले जनाए अनुसार अवको तीन दिन पछि उनीहरुको अर्को पटक कोरोना परिक्षण हुने छ ।
