सिन्धुली । नेपाली सेनाले सिन्धुलीमाढीमा कोभिड १९ सम्बन्धि मृत शरीर व्यवस्थापनको कृतिम घटना अभ्यास गरेको छ । मध्य पूर्वी पृतना र वर्दबहादुर गणको समन्वयमा उक्त अभ्यास गरिएको हो ।
अभ्यासमा पिपिई कसरी र कस कसले प्रयोग गर्ने, शंकास्पद विरामीलाई कसरी अस्पताल सम्म पु¥याउने, मृत शरीरको व्यवस्थापन कसरी गर्ने र सवारी साधन र मृत शरीर व्यवस्थापनमा काम गर्ने व्यक्तिलाई कसरी सुरक्षित गर्ने ? भन्ने विषयमा कृतिम घटना अभ्यास गरिएको थियो ।
उक्त घटना अभ्यासमा प्रदेश सांसदहरु राजन दाहाल, विनोद खड्का, प्रमुख जिल्ला अधिकारी योगेन्द्र प्रसाद पाण्डे सहित सुरक्षा निकायका प्रमुख प्रतिनिधिहरु, स्वास्थ्यककर्मीहरु, रेडक्रसकर्मीहरु, पत्रकारहरु तथा अन्य नागरिकहरुको सहभागिता रहेको थियो ।
उक्त अभ्यास कसरी विपदमा काम गर्ने भन्ने सन्देश दिनका लागि आयोजना गरिएको वर्द बहादुर गणले जनाएको छ ।
