सिन्धुली । सिन्धुलीको कोशेली डेरी उद्योगले स्वास्थ्यकर्मीको मनोवल बढाउन खिर खुवाउनका लागि सिन्धुली अस्पताललाई ४० लिटर दुध निःशुल्क प्रदान गरेको छ ।
कोरोना उपचारमा खटिएका सिन्धुली अस्पतालका स्वास्थ्यकर्मीलाई खिर खुवाउन उक्त दुध उपलब्ध गराईएको कोशेली डेरीका सञ्चालक नवराज गजुरेलले बताए । सवैले आ–आफ्नो क्षेत्रबाट संकटका समयमा उपचारमा संलग्न स्वास्थ्यकमीहरुको मनोवल उच्च पार्न आवश्यक रहेको उनको भनाई रहेको छ ।
यस्तै अस्पताल विकास समितिका अध्यक्ष प्रलाद पोख्रेलले सिन्धुली अस्पतालमा रहेका डाक्टर तथा स्वास्थ्यकर्मीका मनोवल उच्च पार्ने कार्य गरेकोमा कोसेली डेरीलाई धन्यवाद दिए । उनले सानो प्रयत्नले पनि संकटका वेलामा दिन रात नभनी उपचारमा संलग्न डाक्टर तथा स्वास्थ्यकर्मीलाई यस्ता कार्यले मनोवल बढाउने उनले बताए ।
Advertisement. Scroll to continue reading.
फेसबुक मार्फत प्रतिकिया दिनुहोला
