सिन्धुली । कमलामाई नगरपालिकाले शनिबार बजार क्षेत्रमा किटनाशक औषधि छिटेको छ । कोरोनाको संक्रमण बढी रहेका बेला नगर क्षेत्रका बजारमा किटनाशक विषादी छर्केको हो ।
मेयर खड्गबहादुर खत्रीले सिन्धुलीमाढीको २ नं. बजारबाट किटनाशक औषधी स्प्रेयर सुरु गरेका थिए । गैरी बजार, १ नं. बजार, स्टल बजार, हस्पिटल रोड तथा धुरा बजार तथा मधुटारमा उक्त औषधि छर्किएको हो ।
नगरपालिकाले विषाणु मार्ने झोल ‘डिसइन्फेक्टेन्ट सोलुसन’ छर्किएको जनाएको छ । कोरोना भाइरसको संक्रमण फैलन नदिन नगरपालिकाले जिल्ला सदरमुकाम स्थित मुख्य मुख्य बजार क्षेत्रमा ‘डिसइन्फेक्टेन्ट सोलुसन’को स्प्रे गरेको हो ।
नगरपालिकाको बारुण यन्त्रको प्रयोग गरि विषादी छर्किएको कमलामाई नगरपालिकाका मेयर खत्रीले बताए ।
सडक र सडक छेउछाउमा रहेका घरहरुका भित्तामा किटनाशक औषधी छरिएको उनले बताए ।
७० सय लिटर पानीलाई पुग्ने किटनाशक औषधि रहेकाले बजार क्षेत्रमा स्प्रे गरिएको मेयर खत्रीले बताए ।
