सिन्धुली । विश्वभर फैलिएको कोरोना भाईरस संक्रमण र जोखिम कम गर्नका लागि र उपचारका लागि आइसोलेसन वार्ड निर्माण गर्न सिद्धेश्वर खानेपानी तथा सरसफाई उपभोक्ता संस्थाले सिन्धुली अस्पताललाई ५० हजार सहयोग गरेको छ ।
संस्थाका अध्यक्ष महेन्द्रदेव श्रेष्ठले सिन्धुली अस्पताल विकास समितिका अध्यक्ष प्रलाद पोखरेललाई उक्त सहयोग रकम हस्तान्तरण गरेका हुन । अस्पतालको अनुरोधमा उक्त रकम हस्तान्तरण गरिएको हो ।
यसैबीच आईसोलेसन निर्माणका लागि कनपा ५ मधुटारका डविन्द्रजंग थापाले मंगलबार ५० हजार सहयोग गरेका थिए । उनले स्वर्गिय दाजु प्रमुख सेनानी कविन्द्रजंग थापाको सम्झनामा बुवा लाल बहादुर थापा र कान्छो वुवा दिलिपजंग थापामार्फत सहयोग गरेका हुन । अस्पताललाई ५ वेडको आइसोलेसन निर्माणका लागि उक्त रकम दिईएको हो । हाल सिन्धुली अस्पतालमा ३ वेडको आइसोलेसन सञ्चालनमा छ ।
Advertisement. Scroll to continue reading.
फेसबुक मार्फत प्रतिकिया दिनुहोला
