सिन्धुली /ट्रान्सपरेन्सी इन्टरनेशनल नेपालका अध्यक्ष खेमराज रेग्मीले भुकम्पपछिको पुनःनिर्माणमा अत्यधिक भ्रष्टाचार भएको बताएका छन । सोमबार सिन्धुलीमा टान्सपरेन्सी इन्टरनेशनल नेपालले आयोजना गरेको पुनःनिर्माणको नीति प्रगति र खर्चबारे सरोकारवालाबीचको अन्तक्र्रिया कार्यक्रममा बोल्दै उनले यस्तो बताएका हुन ।
भुकम्प प्रभावित १४ जिल्लामा भुकम्पपछिको पुननिर्माण तथा पुनस्र्थापनामा सदाचार कार्यक्रम सञ्चालन गरिरहेको टान्सपरेन्सी इन्टरनेशनल नेपालले ८० प्रतिशत पुननिर्माण गरिएकाका नीजि आवास उपयोग विहिन बनेको बताए ।
आफु पुगेका १३ जिल्लामा बनेका अधिकांश भवनमा मानिसको बसोबास नभएको, किचन, बाख्राको खोर वा स्टोरका रुपमा घरहरु प्रयोग भएको पाईएको बताए । उनले जिल्लामा पुननिर्माणको वास्तविक अवस्थाको अनुगमन गरि सुधार गर्न सकिने भवन सुधार गर्न र नबनेका भवनलाई गुणस्तरीय बनाउन सुझाव समेत दिएका छन ।
कार्यक्रममा बोल्दै प्रमुख जिल्ला अधिकारी ज्ञानप्रसाद ढकालले पुननिर्माणमा पहिलेको जस्तो गुनासो आउन कमी भएको बताए । उनले बैंकहरुले ऋण दिन आनाकानी गरिरहेका कारण भुकम्पपीडितहरुले ऋण पाउन नसकेको बताए । बैंकले लाभग्राहीको किस्ता भुक्तानीमा समेत समस्या रहेको बताए ।
कार्यक्रममा बोल्दै सहभागिहरुले लाभग्राहीहरुले स्थानीय तह, शहरी विकास तथा भवन डिभिजन कार्यालय, कोलेनिका, बैंक लगाएतमा धाउनुपर्ने लामो प्रक्रियाका कारण समयमा पुननिर्माण किस्ता भुक्तानीमा नसक्दा समस्या भएको, ऐलानी जग्गाका कारण घर बनाउन नसकेको, काठको घरको तेस्रो किस्ता भुक्तानी हुन नसकेको, प्राविधिकको लापरवाहिका कारण समस्या भएको कारण पुननिर्माणमा ढिलाई भईरहेको बताए ।
कार्यक्रममा जिल्लाको पुननिर्माणको अवस्थाको बारेमा जानकारी दिदै पुननिर्माण प्राधिकरण जिल्ला आयोजना कार्यान्वयन ईकाई सिन्धुलीका प्रमुख देवनारायण प्रसाद यादले जिल्लामा ४२ दशमलब ४४ प्रतिशतले नीजि आवास निर्माण गरेको जानकारी दिए । कार्यक्रममा पुननिर्माणका क्षेत्रमा काम गरिरहेका विभिन्न निकायले आफ्नो कार्यक्रमको प्रगति बारे जानकारी गराएका थिए । कार्यक्रममा ट्रान्सपरेन्सी इन्टरनेशनल नेपालका जिल्ला अधिकृत गंगा घिमिरेले पुननिर्माणमा गरिएको अनुगमनले निर्माण सामग्रीमा गुणस्तर कायम हुदै गएको र पसलहरुले मुल्यसूचि राख्न थालेको बताईन ।
कार्यक्रम ट्रान्सपरेन्सी इन्टरनेशनल नेपालका अध्यक्ष खेमराज रेग्मीको अध्यक्षता एवम जिल्ला समन्वय समितिका संयोजक शंकरराज बर्मा तिवारीको प्रमख आतिथ्यतामा सम्पन्न भएको थियो ।
