सिन्धुली । जिल्ला प्रहरी कार्यालय सिन्धुलीले शैलशिखर अनाथालय कनपा ४ ढुंग्रेबासका बालबालिकालाई लत्ताकपडा, शैक्षिक सामग्री तथा खाद्यान्न वितरण गरेको छ । असहाय संरक्षण मञ्च जनकपुरसँगको समन्वयमा कार्यालयले अनाथ बालबालिकाहरुलाई सहयोग गरेको हो ।
Advertisement. Scroll to continue reading.
समुदाय प्रहरी साझेदारी कार्यक्रम अन्तर्गत संस्थासँगको समन्वयमा उक्त सहयोग गरिएको जिल्ला प्रहरी कार्यालय सिन्धुलीले जनाएको छ । जिल्ला प्रहरी कार्यालय सिन्धुलीका प्रमुख एसपी चक्रबहादुर सिंह र असहाय संरक्षण मञ्चका अध्यक्ष बैद्यनाथ प्रसाद शाहले अनाथालयका सञ्चालक विष्णुदेवकोटा मार्फत सहयोग हस्तान्तरण गरेका हुन ।
बालबालिकालाई पढाईमा सहयोग होस भन्ने उद्देश्यले उक्त सहयोग गरिएको एसपी सिंहले बताए । अनाथालयमा हाल ९ जना बालबालिका रहेका छन ।
फेसबुक मार्फत प्रतिकिया दिनुहोला
