सिन्धुली । समाज कल्याण परिषदको आर्थिक सहयोगमा सिन्धुलीका १२ जना दलित समुदायका युवाहरुलाई सिपमुलक तालिम प्रदान गरिएको छ ।
दलित सेवासंघ सिन्धुलीले संचालन गरेको तालिममा ६ जना दलित युवाहरुलाई २ महिने मोटरसाईकल मर्मत तालिम दिईएको हो ।
यसरी मोटर साईकल तालिम पाउनेमा सिन्धुली जिल्लाकै विभिन्न स्थानका दलितहरु रहेका छन् । जसमा वल वहादुर विश्वकर्मा , वसन्त ठटाल, अतित विक, गंगालाल विक, कृष्ण वहादुर विक र उमेश परियार रहेका छन् ।
यसैगरी समाज कल्याण परिषदकै सहयोगमा भिजन नेपाल सिन्धुलीले ६ जनालाई सुन चाँदीका गहना वनाउने तालिम दिईरहेको छ । यसरी तालिम लिनेमा नितेश विश्वकर्मा, नवराज वि.क., सुजन विश्वकर्मा, दिनेश वराईली, र सुजन दियाली रहेका छन् ।
उनिहरुलाई तालिम दिने संस्थाले प्रतिदिन खाजा खर्च वापत १ सय रुपैया र प्रतिमहिना ६ हजारका दरले तालिम वापतको रकम तिर्दै आएको भिजन नेपालका अध्यक्ष निर्मल कुमार रम्तेलले वताए ।
तालिम तथा अन्य तिनवटा जनचेतना मुलक कार्यक्रम संचालन गर्न दुर्वै संस्थालाई २÷२ लाखका दरले समाज कल्याण परिषदले रकम उपलव्ध गराएको दलित सेवा संघ सिन्धुलीका अध्यक्ष तुलाराम विकले वताए ।
उक्त सीपमूलक तालिमको जिल्ला समन्वय समितिका संयोजक शंकरराज वर्मा, कमलामाई नगरपालिकाका उप–प्रमुख मञ्जु देवकोटा, पत्रकार महासंघ केन्द्रीय सदस्य द्वारिका काफ्ले, प्रदेश सचिव राजन गाउँले लगायको टोलीले अनुगमन समेत गरेको थियो ।
