सिन्धुली । पछिल्लो समयमा देशभर महिला र बालिकामाथि बलात्कारका घटना बढेको र पीडितले न्याय नपाएको भन्दै सिन्धुलीमाढीमा दवाव ¥याली निकालिएको छ । महिला तथा बालिका बलात्कारका पीडितले न्याय पाउन नसकेको र प्रहरीेले गम्भिर रुपमा यस्ता घटनामा अनुसन्धान नगरेको भन्दै जिल्लाका अधिकारकर्मीहरुले विरोध स्वरुप दवाव ¥याली निकालेका हुन ।
महिला मानवअधिकार रक्षक संजाल सिन्धुली र जिल्ला स्तरीय मानव अधिकार सञ्जाल सिन्धुलीले उक्त ¥यालीको आयोजना गरेका हुन । सिन्धुलीको बुद्धनगर चोकबाट सुरु भएको ¥याली सिन्धुलीमाढी बजार, बसपार्क हुदै शान्तिनगर चोकमा पुगेर कोणसभामा परिणत भएको थियो ।
मौन रुपमा गरिएको उक्त ¥यालीमा सहभागिहरुले बलात्कार हुने समाज सभ्य समाज हुन सक्दैन, सरकार देखाउ इच्छा खै त महिलाको सुरक्षा ? बलात्कारीलाई संरक्षण कहिलेसम्म ?, मैले कहिले न्याय पाउँछु ?, चुप लागेर नवसौं न्याय मर्न नदिउँ, स्टप रेप जस्ता नारासहितका प्रिन्ट कार्डहरु बोकेर सहभागिता जनाएका थिए ।
¥याली पछि गरिएको कोणसभालाई सम्बोधन गर्दै जिल्ला स्तरीय मानव अधिकार सञ्जाल सिन्धुलीका संयोजक द्धारिका काफ्लेले सिन्धुली सहित देशभर मानव अधिकार हनन्का घटना बढेको र बलात्कारजन्य अपराधमा पीडितले न्याय पाउन नसकेको बताए । उनले राज्यले पीडितलाई कानुन बमोजिम न्याय दिनु पर्नेमा जोड दिए । उनले पछिल्लो समयमा १८ वर्ष मुनीका बालिका बलात्कारमा अत्यधिक पर्ने गरेको र उचित न्याय पाउन नसकेको भन्दै सरकारले यसको निराकरण गर्ने तर्फ गम्भिर हुनुपर्नेमा जोड दिए ।
राज्यले मानव अधिकारको रक्षा गर्न नसकेको र प्रहरी प्रशासनबाटै जनताले न्याय नपाएको अवस्थामा अहिलेको सरकारको ध्यानाकर्षण हुने पर्ने उनले जोड दिए । प्रहरीले मानवअधिकार हनन् गर्ने व्यक्तिलाई कारवाही गर्नु भन्दा पनि घटनाका प्रमाणहरु नष्ट पार्न लागेको भन्दै प्रहरीले नै जनतालाई सुरक्षा दिन तर्फ केन्द्रित हुनुपर्नेमा जोड दिए । सिन्धुलीमा बलात्कार देखी मानव वेचविखनका घटना भै रहदा पनि प्रहरीले उल्लेख्य चासो नदिएकाले पनि नागरिकहरुले न्यायका लागि दवाव दिनु परेको उनले बताए ।
जिल्लामा क्रियाशिल मानवअधिकार तथा महिला तथा वालवालिका अधिकारका सवालमा काम गर्ने निकायका व्यक्तिहरु, युवा, महिला लगाएत सर्वसाधारणको सहभागितामा भएको दवाव ¥यालीसँगै सञ्जालले हस्ताक्षर संकलन समेत गरेको छ । संकलित हस्ताक्षर समय मिलाएर प्रमुख जिल्ला अधिकारी मार्फत प्रधानमन्त्रीलाई बुझाईने आयोजकले जनाएको छ ।
जिल्ला स्तरीय मानवअधिकार सञ्जालका सदस्य सचिव एवम् महिला मानवअधिकार रक्षक सञ्जालका सल्लाहकार बिमला पाण्डेले यो ¥याली अभियानको सुरुवात भएकाले थप जिल्लाका सरोकारवालासँग समन्वय गरेर अभियानलाई थप अगाडि बढाइने बताइन ।
