सिन्धुली/तीजको अवसर पारेर जिल्लामा दुई दिने प्रथम तीज उद्यमी व्यापार मेला २०७५ शनिबारदेखि सिन्धुलीमाढीमा सुरु भएको छ । कमलामाई नगरपालिका सिन्धुली र महिला उद्यमी संघ सिन्धुलीको संयुक्त आयोजनामा उक्त मेला सुरु भएको हो ।
मेलाको मेलाको प्रदेश नं. ३ का सांसद प्रदिप कटुवालले दीप प्रज्वलन गरि उद्घाटन गरेका छन । शनिवार र आईतवार चल्ने मेलामा स्थानीय स्तरमा नै उत्पादन भएका खाद्य समानहरु, तीजका बिशेष परिकार, अचार, अचारका लागि प्रयोग गरिने छोप, खाद्य मरमसला, कस्मेटिक समान, बाँसबाट बनाएका विभिन्न कलात्मक सामग्री लगायतका सामानहरु प्रर्दशनीमा राखिएको छ ।
मेलाका स्टलमा स्थानीय स्तरमा नै महिला उद्यमीहरुले उत्पाद गरेका सामान राखीएको छ । तीजमा हजारौं खर्च गरेर भड्किलो तामझामलाई कम गर्न र महिलाहरुलाई उद्यममा लाग्न प्रेरण दिनका लागि मेलाको आयोजना गरिएको महिला उद्यमी संघ सिन्धुलीका अध्यक्ष निरु श्रेष्ठले बताईन ।
उनले महिला उद्यमीहरुका लागि प्रचार प्रसार गरि थप प्रोत्सान गर्ने उद्देश्यले मेला लगाइएको समेत बताईन । तीज मेलाको ५ हजार मानिसले अबलोकन गर्ने आयोजकको अपेक्षा रहेको छ ।
