सिन्धुली । काठमाण्डौमा जारी अन्डर १९का लागि खेलाडी छनौटमा कमलामाई नपा ९ सिन्धुलीका आयुष वस्नेत अन्डर १९ क्रिकेटको शुक्रवार भएको खेलमा ३० जनामा छनौट हुन सफल भएका छन् ।
देशभरीका क्रिकेट खेलाडिवाट छनौट गरी टिम तयार गर्ने क्रममा उनि पहिला १हजार ४ सय खेलाडीवाट सय जनामा पर्न सफल भएका थिए । शुक्रवार भएको खेलमा उनी ३० जनामा परेका हुन ।
उनका वावु गंगा वस्नेत विद्युत प्राधिकरणका मिटर रिडर हुन । वस्नेत केही समय अगाडी देखी काठमाण्डौंमा पूर्व क्याप्टेन विनोद दाससंग प्रशिक्षण लिइरहेका छन् । उनलाई समाज सेवी उज्ज्वल विक्रम थापाको पहलमा प्रशिक्षण लिने अवसर मिलेको थियो । अव पुन छनौंटमा परेमा वस्नेतले राष्ट्रिय टिममा खेल्न पाउने छन् । सिन्धुलीवाट पहिलो पटक क्रिकेट खेलाडीका रुपमा छनौछ भएका वस्नेतले राष्ट्रिय टिममा परेर खेलेको हेर्ने सिन्धुलीवासीले अपेक्षा राखेका छन् ।
