सिन्धुली । पुर्वी तराईवाट राजधानी काठमाण्डौलाई छोटो दुरीवाट जोड्ने सामरीक महत्वको विपी राजमार्ग यतिवेला अवैध सामान ओसार पसार गर्ने नाकाका रुपमा परिणत भएको छ । विगत एक महिनादेखी बिबादमा परेको विपी राजमार्र्गमा अबैध सामानको व्यापक ओसार पसार हुने गरेको तथ्य फेला परेका छन् ।
यस सडकमा अवैध सामान ओसार पसार हुने गरेको चर्चा पछि स्थानीय जनताले समेत निगरानी वढाए पछि प्रहरीको सेटीङमा अवैध सामान ओसार पसार हुने गरेको थाहा भएको हो । प्रहरीहरुलेनै नाम नवताउने सर्तमा दिएको जानकारी अनुसार जिल्ला प्रहरी कार्यालय सिन्धुलीका यसपी रामेश्वर प्रसाद यादवको ठाडो निर्देशनमा यसरी सामान अवैध रुपमा जानेगरेको वताए ।
वुधवार मात्र ना४ख ५५१४ नम्बरको ट्रकभरी अबैधरुपमा गाईभैसीको दाना तराईबाट लिएर वीपी राजमार्ग हुँदै काभ्रे जिल्ला तर्फ निर्वाध प्रस्थान भयो । प्रहरीलाई यसको विशेष सुराकी दिइएपनि प्रहरी प्रमुख रामेश्वर यादव कै निर्देशनमा प्रहरी चेकपोष्टमा बसेका प्रहरीहरुले उक्त ट्रकलाई छाडे ।
त्यसको एक दिन अघिमात्र ना१ज ३९९२ नम्बरको बर्दीवास यातायातको बोलेरोमा झण्डै ३ लाख रुपैयाँ बराबरको भारतबाट राजस्व छली गरी काठमाण्डौं तर्फ लैजान ल्याउँदै गरेको अबैध कपडा जिल्ला प्रहरी कार्यालय नजीकै रहेको प्रहरी चेक प्वाइन्टमा नियन्त्रणमा लिएपनि पछि छाडीयो ।
अर्को दिन ना३ख २१९५ नम्बरको हायसमा झापाबाट काठमाण्डौं तर्फ लैजाँदै गरेको १ लाख ५० हजार रुपैयाँ बराबरको अबैध कपडा सुराकीकै आधारमा सिन्धुली प्रहरीले नियन्त्रणमा लिएपनि पुनः एसपी सावको निर्देशन पछि त्यसै छाडीयो । सुक्रबारमात्र बा३ख ७९७४ नम्बरको हायस मै महोत्तरीको बर्दीवासबाट सुर्ती, रजनीगन्धा, पान, पराग लगायतका सुर्ति जन्य अवैध सामाग्री सिन्धुली हुँदै विपी राजमार्गबाटै काठमाण्डौं भित्रियो ।
माथि उल्लेखित घटना वाहेक सिन्धुली जिल्लावाट वाहिर निकासी हुने काठको प्रति ट्रक ५ हजार रुपैया लिएर छाड्ने गरेको काठ व्यवसायीको गुनासो छ । प्रहरीले मापदण्ड पुगेको छैन भनि जिल्ला वनकार्यालयले टाँचालगायर छुट पुर्जि सहित आएका काठ झार्न भन्छ कि त ५हजार दिनु पर्ने भन्दै वार्गेनिङ गरिन्छ ति व्यवसायीले दुखेसो गरे । वीपी राजमार्गको प्रयोग गर्दै दिन र रात दुबै समयमा गरी प्रहरीसंगकै निर्देशनमा अबैध मालसामान दैनिकरुपमा ओसार पसार हुने गरेको प्रमाणहरु धेरै रहेको पाइन्छ ।
‘अवैध सामाग्री नेपाली र भारतीय सवारीसाधनवाट जादै गरेको सुराकी आउना साथ हामी त्यसलाई नियन्त्रणमा लिन्छौं । तर, हाकीम साप’हरुको निर्देशनपछि पुनः छाडीने गरेका छन्,’ जिल्ला प्रहरी कार्यालय सिन्धुलीमा कार्यरत एक जवानले वताए ।
‘तराईका व्यापारीसंगको मिलेमतोमा भारतबाट ल्याइएका अबैध सामान र पहाडका ब्यापारीसंग मिलेर पहाडबाट गाई भैसी, चिनबाट ल्याइएका लत्ताकपडा, विद्युतीय सामाग्रीका साथै अन्य सामान वीपी राजमार्गबाट तराई हुँदै भारतसम्म पु¥याउने गरीएको छ ।
सर्लाहीका कपडा ब्यापारी दिनेश यादवले प्रहरीसंगको मिलेमतोमा तराईका खुल्ला सिमाना वाट भन्सार छलेर ल्याएका अवैध लत्ताकपडाहरु काठमाण्डौं पु¥याउने गरेको छन ।
वीमारी बोकेका साना निजी गाडी, बिबाहका रिजर्भ कारहरु रोक्ने प्रहरीले भारतिय नम्वरका गाडि भने विना चेकजाँच छाड्ने गरेको छ । जिल्ला प्रहरी कार्यालय सिन्धुलीले समय समयमा गर्ने पत्रकार सम्मेलनमा तराईबाट काठमाण्डौंसम्म पु¥याउने अबैध लागु औषध तस्करी गर्ने नाका पनि वीपी राजमार्ग नै भएको सार्वजनीक गर्दै आएका छन् ।
सर्वोच्चको आदेशपछि मापदण्डका विषयलाई लिएर प्रहरी र व्यवसायिहरु विच समेत मतभेद हुदै आएको छ । प्रहरीलाई पैसा दिए रातका समयमा सबै सवारी सञ्चालन हुने नत्र सडकमै अलपत्र अवस्थामा मालवाहक सवारी राख्नु पर्ने व्यवसायीहरुको गुनासो छ ।
जिल्ला प्रहरी कार्यालय सिन्धुलीको प्रमुखका रुपमा आएका प्रहरी उपरिक्षक रामेश्वसप्रसाद यादव निकै विवादमा तानिएका छन् । प्रहरीका एक अधिकारीका अनुसार कानुनी प्रावधानलाई खिल्ली उडाउँदै प्रहरी प्रमुखले जिल्लामा अबैध पैसा लिन जवानहरुलाई बाध्य बनाएका कारण विवादमा तानियका हुन ।
सर्वोच्च आदालतले विपी राजमार्गमा मझौला बस र १० टन क्षेमतासम्मका ट्रक तथा टिफरहरु सञ्चालन गर्न आदेश दिएको छ । तर, प्रहरीलाई ५ देखी १५ हजार रुपैयाँसम्म पैसा दिए राती निर्वाध छाड्ने नत्र रोक्ने गरेको भन्दै जिल्लाका व्यवसायिहरु प्रहरीप्रती आक्रोसीत छन् । वीपी राजमार्गको वुझन सिन्धुली आएका उपभोक्ता मन्च नेपालका केन्द्रीय अध्यक्ष ज्योति बानियाँले वीपी राजमार्गमा अवैध तरिकाले सामान ओसार पसार भएको पाईएको वताए ।
वीपी राजमार्गको विषयलाई लिएर जिल्लाका संसदहरुले सुक्रवार प्रमुख जिल्ला अधिकारी ज्ञानप्रसाद ढकाल, प्रहरी प्रमुख रामेश्वस प्रसाद यादवसंग भेटेर यस विषयमा जानकारी समेत लिएका थिए ।
टोलीले यदी प्रहरी प्रसाशनबाट नीतिगत भ्रष्ट्राचार भएको भए तत्काल कारबाही गर्न प्रमुख जिल्ला अधिकारीलाई निर्देशन दिएका थिए । प्रमुख जिल्ला अधिकारी ढकालले आफुहरुले सर्वोच्चको आदेशको कार्यान्वयन गराएको दावी गरे ।
यस विषयमा सिन्धुलीका प्रहरी प्रमुख यादवले प्रहरीबाट कुनै पनि गैर कानुनी काम नभएको दावी गरे । उनले प्राय सबै गाडीमा चेकजाँच हुने र अबैध मालसामान नियन्त्रणमा लिएर त्यस्ता व्यक्ति, व्यवसायीलाई कानुनी दायरामा ल्याउने प्रतिबद्धता जनाए । उनले प्रहरी कार्यालयमा रहेर निर्देशन विपरित काम गर्ने जो कोही कर्मचारीलाई कारबाहीको दायरामा ल्याउने भन्दै आफुले अबैध असुली गर्न कुनै पनि प्रहरीलाई निर्देशन नदिएको र अदालतको आदेश विपरित यातायातका साधन सञ्चालन हुन नदीएको झोकमा आरोप लगाएको भन्दै खण्डन गरे ।
