सिन्धुली/महेन्द्रझ्याडीका स्थानीयबासीले नापी भएको ४७ बर्षपछि जग्गाधनी प्रमाणपत्र अर्थात लालपूर्जा पाएका छन । २०२९ सालमा जग्गा नापी भएको भए पनि हालसम्म त्यहाँका ५१ घर परिवारले जग्गाधनी प्रमाणपत्र पाउन सकेका थिएनन ।
नापी कार्यालय सिन्धुलीले आईतवार महेन्द्रझ्याडीमा ५१ घर परिवारलाई लापूर्जा वितरण गरेको जनाएको छ ।
नापी कार्यालयका प्रमुख छत्र लुङ्गेली मगर तथा नापी महाशाखाका प्रमुख साविर हुसेनले लालपूर्जा वितरण गरेका हुन ।
हुसेनले नेपाल सरकारले २०६३ सालदेखि नै गाउँ व्लकमा रहेका जग्गाहरुको लालपूर्जा वितरण गर्ने कामको सुरुवात गर्ने निर्णय गरेको भए पनि सिन्धुलीमा ढिलाई भएको बताए ।
नापी कार्यालयका प्रमुख लुङगेलीले नापी कार्यालयले जिल्लामा २ सय ५५ गाउँ व्लकका जमिनहरुको लापूर्जा वितरण गर्ने योजना बनाएको भए पनि हालसम्म १५० वटा व्लकको मात्र काम सकिएको जानकारी दिए । उनले यस अवधिमा करिव १ हजार २ सय लालपूर्जा वितरण गरिसकेको बताए ।
