सिन्धुली । जनज्योती माध्यमिक विद्यालय, कामलाई नगरपालिका–५ का एक दर्जन बढी छात्राहरु एक साथ विरामी परेका छन ।
विद्यार्थीहरुमा काम्ने, कराउने जस्ता लक्षण देखिएको विद्यालयले जनाएको छ । विद्यायलयमा यसरी छात्राहरु एका एक वेहोस हुँदै कराउने गरेको पहिलो पटक भएको विद्यालयले जनाएको छ ।
छात्राहरुमा मास हिस्टेरिया भएको जिल्ला अस्पतालले जनाएको छ । यस्तो समस्या एक जनामा देखा परे पछि प्राय उनीहरुका साथीहरु पनि देखीन्छ । सँगैका साथीहरु आत्तिएर रुनी र काराउने गरे पछि अर्को साथी पनि वेहोस हुने गर्दछन,डाक्टरहरुले भनेका छन ।
आज यो समस्या जनज्योती माध्यमिक विद्यालयका विद्यार्थीहरुलाई देखा परेको छ । यस्तो समस्या वढ्दो उमेरका छात्राहरुमा देखा पर्ने गरेको डाक्टरहरुको भनाई छ । यो समस्या आफै समाधन भएर जाने डाक्टरहरुको सुझाव छ । छात्राहरुको उमेर जन्य कारण यस्ता विरामीहरु प्रायः आइरहने भएकोले आत्तिनु पर्ने अवस्था नभएको उनीहरुले बताए ।
सदरमुकाममा रहेको सो विद्यालयमा छात्राहरु वेहोस हुँदै कराउने, उफ्रने गर्न थाले पछि विद्यालयले एम्वुलेन्स वोलाएर एक दर्जन छात्राहरुलाई जिल्ला अस्पताल पु¥याएको थियो । उनीहरु सवैको जिल्ला अस्पतालमा उपचार पछि घर फर्किका छन् ।
विद्यार्थीहरुमा एकैसाथ यस्तो समस्या देखिएपछि उनीहरुमा पर्न गएको मानसिक सन्त्रासलाई मध्यनजर गर्दै भदौ ३० गतेसम्म १ देखी १० कक्षा सम्मको पठनपाठन बन्द समेत गरिएको विद्यालयका सहायक प्रधानाध्यापक युवराज काफ्लेले बताए ।
