सिन्धुली । श्रीकृष्ण जन्माष्टमीको अवसरमा सिन्धुलीमा लाखे नाच प्रदर्शन गरिएको छ । बुधबार सिन्धुलीमाढीमा लाखे नाच सहित नेवार समुदायका सांस्कृतिक झाँकीहरु प्रदर्शन गरिएको छ ।
श्री गणेश भिमसेन मन्दिरका संरक्षण समितिको आयोजनामा सिन्धुलीमाढीमा नेवारी सांस्कृतिक नाच र लाखे नाच प्रदर्शन गरिएको हो ।
गणेश भिमसेन मन्दिर २ नं. बजारबाट सुरु भएको झाँकी सहितको सिन्धुलीमाढी बजार, धुराबजार हुदै कृष्ण मन्दिरमा पुगेर समापन भएको छ ।
सिन्धुलीमा बसोबास गर्दै आएका नेवारी समुदायले बिगतका बर्ष देखि नै लाखे नाच देखाउदै आएका छन् । नेवारी समुदायको परम्परा र संस्कृति जोगाउनको लागि लाखे नाचको आयोजना गरिएको भिमसेन मन्दिर संरक्षण समति माढी बजारले जनाएको छ ।
लाखे नाचसंगै लठ्ठी नाच र धान रोपाई नाच लगाएतका झाँकीहरुको प्रदर्शन गरिएको छ । नेवारी भेषभुषामा सजिएर लाखे नाचमा नेवारी समुदायको सहभागिता रहेको थियो ।
लाखे नाच तथा सांस्कृतिक कार्यक्रममा महिलाहरुले बाध्यबादन र नृत्यमा सहभागिता जनाउन थालेका छन ।
