सिन्धुली । कमलामाई नगरपालिकाका उपप्रमुख मञ्जु देवकोटाले सहकारी संस्थाहरु संमृद्धिको खम्बा भएको बताएकी छिन । उनले शनिबार सिन्धुलीमाढीमा सहकार्य बचत तथा ऋण सहकारी संस्थाको ९ औं बार्षिक साधारणसभाको उद्घाटन गर्दै यस्तो बताएकी हुन ।
देवकोटाले सहकारी संस्थाहरुसँग सदस्यहरुको समृद्धी, सुख र आत्मनिर्भरता जोडिने बताउँदै सहकारीको बचत र ऋणलाई आयआर्जनसँग जोड्न आग्रह गरेकी छिन ।
कार्यक्रममा बोल्दै न्युनतम पारिश्रमिक निर्धारण समितिका सदस्य बिमला पाण्डेले सहकारीहरुलाई पारदर्शि र जवाफदेहि बनाउन शेयर सदस्यहरु, बचतकर्ताहरुले खबरदारी गर्नुपर्नेमा जोड दिईन । उनले सहकारी संस्थाहरु आर्थिक संमृद्धिका खम्वा रहेको बताएकी छिन ।
सहकारीका अध्यक्ष महेन्द्रदेव श्रेष्ठको अध्यक्षतामा सम्पन्न कार्यक्रममा असल बचतकर्ता कनपा ५ का हिरा खतिवडा, असल कर्जा कारोवारकर्ता कनपा ७ का निरमाया पाख्रिन र उत्कृष्ट कर्मचारी बजार व्यवस्थापक सुमित्रा तिमल्सिनालाई सम्मान गरिएको छ ।
कार्यक्रममा सहकारीका प्रवन्धक जीवि श्रेष्ठले आर्थिक प्रतिवेदन प्रस्तुत गरेका थिए । उनले संस्थाको नाफा ७ लाख ३८ हजार ९१९ रुपैंया रहेको बताएका छन ।
सहकारीको बचत ५ करोड ७० लाख ३४ हजार ५२ रहेको, शेयर पूँजी ६२ लाख ७१ हजार २ सय र ऋण लगानी ८ करोड १६ लाख १५ हजार ३९० रहेको सहकारीले आर्थिक प्रतिवेदनमा उल्लेख गरिएको छ ।
कार्यक्रममा ऋण उपसमितिका संयोजक केदार प्रसाद देवकोटाले स्वागत मन्तव्य व्यक्त गरेका थिए
