सिन्धुली । माध्यामिक विद्यालय शिक्षक युनियन नेपाल (हिस्टुन) सिन्धुलीको पाँचौ जिल्ला अधिवेशन शनिबार सिन्धुलीमाढीमा सम्पन्न भएको छ । हिस्टुनका जिल्ला अध्यक्ष सन्तोष कुमार बोहोराको अध्यक्षता एवम् जिल्ला समन्वय समिति सिन्धुलीका उपप्रमुख शान्ता कार्कीको प्रमुख आतिथ्यतामा सम्पन्न अधिवेशनले नयाँ नेतृत्व समेत चयन गरेको छ ।
अधिवेशनले धन बहादुर थापाको अध्यक्षमा १७ सदस्यीय नयाँ कार्यसमिति सर्वसम्मत चयन गरेको छ ।
समितिको वरिष्ठ उपाध्यक्षमा गोपाल पहाडी, महिला उपाध्यक्षमा मन्दिरा बराल, उपाध्यक्षमा ललित थापा, सचिवमा बिमल श्रेष्ठ, सहसचिवमा सन्तोष थापा र कोषाध्यक्षमा तिर्थराज कोईराला चयन भएका छन ।
यस्तै सदस्यहरुमा दिपेन्द्र बस्नेत, रोशन खड्का, श्याम बहादुर रमौली, हरिचन्द्र दाहाल, तेज प्रसाद खनाल, हरि बहादुर खड्का, महेश सापकोटा, गोपाल बहादुर श्रेष्ठ चयन भएका छन भने दुई जना सदस्य पछि पूर्ति गरिने भएको छ ।
अधिवेशनको उद्घाटनमा बोल्दै समन्वय समितिका उपप्रमुख शान्ता कार्कीले शिक्षकलाई राज्यले चाहिँदा हतियार बनाउने नचाहिंदा फ्याँक्ने गरेको बताउँदै एकजुट भए अधिकार स्थापित गर्न लाग्नुपर्नेमा जोड दिईन । माध्यामिक शिक्षकहरुलाई राज्यले अन्य शिक्षकको तुलनामा विभेद गरेको बताईन ।
यस्तै न्युनतम पारिश्रमिक निर्धारण समितिका सदस्य बिमला पाण्डेले श्रम अधिकार स्थापित गर्न शिक्षकहरु एकजुट भएर लाग्नुपर्नेमा जोड दिईन । राज्यले माध्यामिक शिक्षकलाई श्रम अधिकार दिन कन्जुस्याईं गर्न नहुनेमा पनि जोड दिईन ।
कार्यक्रममा शिक्षकका संघसंस्थाका नेतृत्वले ३० औं वर्षसम्म पनि माध्यामिक शिक्षकलाई स्थायी गर्ने, पेन्सन उपदान लगाएतका सेवा सुविधा दिने लगाएतका विषयमा ध्यान नदिएको अधिवेशनका अवसरमा गुनासो गरेका छन ।
