सिन्धुली । नेकपा एमालेका सातौं महाधिवेशन शुक्रबारदेखि सिन्धुलीमाढीमा सुरु भएको छ । नेकपा एमालेका केन्द्रीय अध्यक्षले देशभरका ७७ जिल्लाका अधिवेशनको उद्घाटन गरसँगै जिल्ला अधिवेशन सुरु भएको हो ।
अधिवेशनमा जिल्लाका ९१५ जना प्रतिनिधि सहभागि भएका छन । नेकपा एमाले सिन्धुलीका अध्यक्ष प्रदीप कटुवालको अध्यक्षता तथा नेकपा एमालेका पोलिटव्युरो सदस्य कमल प्रसाद चौलागाईको विशेष उपस्थितिमा उद्घाटन कार्यक्रम सम्पन्न भइसकेको छ ।
उद्घाटनसत्रको समापन पछि केहि समय ब्रेक गरिएको छ । आजै केहिबेर पछि बन्दसत्रको कार्यक्रम सुरु हुने एमाले जिल्ला अध्यक्ष प्रदीप कटुवालले बताएका छन । उनका अनुसार बन्द सत्रमा पार्टीको राजनीतिक, सांगठानिक र आर्थिक प्रतिवेदन प्रस्तुत हुने छ भने पार्टीको आगामी कार्यदिशाका बारेमा छलफल हुने छ ।
त्यसपछि नयाँ नेतृत्व चयनका लागि निर्वाचन प्रक्रियाका काम हुने छन । एमालेले यस पटक ३३ प्रतिशत महिला सहभागिता, दलित, जनजाती लगाएतको अर्थपूर्ण सहभागिताका साथ नयाँ नेतृत्व चयन गर्ने कार्यक्रम रहेको छ । खुलासत्रमा बोल्ने अधिकांश वक्ताले अधिवेशनबाट सर्वसम्मत नयाँ नेतृत्व चयनका लागि अनुरोध समेत गरेका छन ।
