सिन्धुली । सिन्धुलीमा शाखा सञ्चालनमा आएको २ वर्षमा ग्लोवल आईएमई बैंकको शाखा औपचारिक रुपमा मंगलबार उद्घाटन गरिएको छ । आईएमई ग्रुपका अध्यक्ष एवम् नेपाल उद्योग वाणिज्य महासंघका उपाध्यक्ष चन्द्र प्रसाद ढकालको उपस्थितिमा बैंकको शाखा उद्घाटन गरिएको हो । बैंकको उद्घाटन जिल्ला समन्वय समितिका संयोजक शंकरराज बर्मा तिवारीले गरेका छन । उनले बैंकको सफलताको शुभकामना व्यक्त गरे ।
कार्यक्रममा बोल्दै आईएमई ग्रुपका अध्यक्ष ढकालले बैंकको नेटवर्क ठूलो भएको र गुणस्तरीय सेवा प्रवाह बैंकको पहिलो प्राथमिकता रहेको बताए । उनले बैंकले स्थानीय व्यवसायीहरुको साथि र सरकारी कारोवारको वैंकका रुपमा आफुलाई चिनाउन भूमिका खेल्ने बताए । ग्लोवल आईएमई बैंकले नेपाल सरकारका नीति नियमलाई पछ्याउँदै सेवालाई प्रभावकारी बनाउन तर्फ ध्यान दिएको बताए ।
उनले कोरोनाका कारण समयमा उद्घाटन नभएको बैंकको शाखा कोरोना कहरमा न्युनता आएपछि उद्घाटन गरिएको बताएका छन । उक्त बैंकको शाखा सबै जिल्लामा पु¥याउने लक्ष्य रहेको र ३ वटा जिल्लामा शाखा विस्तार हुन बाँकी रहेको समेत ढकालले जानकारी दिए । सेवालाई गुणस्तरीय र प्रभावकारी बनाउन लागि पर्ने बताए ।
कार्यक्रममा बोल्दै प्रमुख जिल्ला अधिकारी योगेन्द्र प्रसाद पाण्डेले ग्लोवल आईएमई बैंक नेपालको उत्कृष्ट बैंकका रुपमा स्थापित हुने गरी काम गर्न सुझाव दिए । यस्तै उद्योग वाणिज्य संघ सिन्धुलीका अध्यक्ष अमरेश वैदारले ग्लोवल आईएमई बैंक व्यवसायी मैत्री हुन आवश्यक रहेको बताए । उनले जिल्लाका बैंकहरु डिजिटाइजेसनमा जानुपर्ने आवश्यकता रहेको बताए ।
