सिन्धुली । सार्वजनिक स्थलमा हुने यौन दुव्र्यहार विरुद्ध प्रहरीले ‘सेफ्टी पिन क्याम्पियन’ सुरु गरेको छ । लैंगिक हिंसा विरुद्धको १६ दिने अभियानको समापन अर्थात मानवअधिकार दिवसका अवसरमा प्रहरीले उक्त अभियान सुरु गरेको हो ।
सार्वजनिक स्थलहरु, सार्वजनिक सवारी साधनहरुमा हुने यौनजन्य दुव्र्यवहार, बलत्कार, बालविवाह, बालश्रम विरुद्ध समेत रोक्नका लागि उक्त अभियान चल्ने छ ।
लैंगिक हिंसा बढी रहेको र अभियान ३६५ दिन सञ्चालन गर्नका लागि उक्त अभियान सुरु गरिएको जिल्ला प्रहरी कार्यालय सिन्धुलीका एसपी रञ्जु सिग्देलले बताएकी छिन । महिला र बालिकाहरुलाई सार्वजनिक स्थलमा हुने हिंसा न्युनिकरण गर्न अभियान सुरु गरिएको उनले बताईन । प्रहरी र नागरिकको सहकार्यले लैंगिक हिंसा न्युनिकरण गर्न सकिने उनले बताईन ।
सिन्धुलीमाढीमा रहेको जुनार चोकमा प्रमुख जिल्ला अधिकारी योगेन्द्र प्रसाद पाण्डेले दिप प्रज्वलन गरि अभियानको उद्घाटन गरेका छन ।
समुदाय प्रहरी साझेदारी अभियान अन्तर्गत रहेर उक्त अभियान सुरु गरिएको हो । अभियानको सुरुवात गर्दै प्रजिअ पाण्डेले लैंगिक हिंसाले समाजलाई नै विकृत बनाएको बताउँदै लैंगिक हिंसा न्युनिकरण गर्न हरेक घर सचेत हुन आवश्यक रहेको बताए । समुदायले नै चनाखो पूर्वक लैंगिक हिंसाका घटनालाई उजुरी गर्न र प्रतिकार गर्न सक्नुपर्ने अवस्था रहेको बताए । उनले लैंगिक हिंसा विरुद्धको अभियानलाई नियमित रुपमा चलाउनुपर्ने आवश्यकता रहेको बताए ।
उक्त क्याम्पियनमा सार्वजनिक सवारी साधनमा सिभिल ड्रेसमा प्रहरी खटाइने छ । सार्वजनिक स्थलमा निगरानी बढाईने छ र दुव्र्यवहारमा महिला बालिका परेमा तत्काल प्रहरीले एक्सन लिने छ । अभियानको उद्घाटन पूर्व ‘म हिंसा सहदिन र हिंसा गर्दिन’, मौनता तोडौं, हिंसा विरुद्ध बोलौं, एक अर्काको सम्मान नै सुरक्षित समाजको आधार लगाएतका नारा सहितका प्लेकार्ड र व्यानर सहित ¥याली निकालिएको थियो ।
