सिन्धुली । तत्कालिन स्वल्पाठाना गाविस अध्यक्ष उद्धव खड्काको स्मृतिमा फिक्कल गाउँपालिकाले पार्क निर्माण गरेको छ । फिक्कल गाउँपालिकाको हालको वडा नं. ५ अर्थात साविकको स्वल्पाठाना गाविसको स्वल्पाभञ्ज्याङमा उक्त पार्क निर्माण गरिएको हो । २०५४ सालमा तत्कालिन नेकपा एमालेबाट निर्वाचित खड्काको विकासको कामको शिलशिलामा अध्यक्षको कार्यकाल नसकिदै मृत्यु भएको थियो । पार्कको विहिबार एक औपचारिक कार्यक्रमका बीच उद्घाटन गरिएको छ ।
विकास प्रेमी उद्धब खड्काको कार्यकालमा नै निधन भएपछि उनको सम्झनामा पार्क निर्माण गरिएको गाउँपालिकाका प्रवक्ता एवम् उक्त वडाका वडाध्यक्ष राजु बरालले बताए । 
उनका अनुसार पार्क निर्माणका लागी फिक्कल गाउँपालिकाको १९ लाख ५० हजार र संघिय सांसद कोषको १४ लाख गरी कुल ३३ लाख पचास हजार खर्च गरिएको छ । पर्यटन प्रवद्र्धन तथा पूर्व विकास प्रेमीको सम्झना दुवै लक्ष्य राखि पार्क निर्माण गरिएको बरालले बताए ।
पार्कको उद्घाटन संघिय सांसद गणेश कुमार पहाडिले गरेका छन । उद्घाटन कार्यक्रममा बोल्दै उनले उद्धब खड्काले तत्कालिन अवस्थामा पार्टीलाई पु¥याएको योगदान र क्षमताको उच्च सम्मान गर्दै पार्क निर्माण गरिएको बताए । खड्काले छोटो समयमा नै पार्टी, सोल्पाठाना बासीको लागी ठुलो योगदान गरेकोले उहाँको सम्झनामा र सम्मानमा पार्क निर्माण गरेको बताए ।
पार्कमा पोखरी, छत सहितको प्रतिक्षालय, स्टेज, चाईनिज दुबोको गार्डेन तथा बस्ने चौतारो रहेको छ ।
कार्यक्रममा पूर्व सांसद गंगा नेपाल, नेकपाका जिल्ला अध्यक्ष तथा वागमति प्रदेशसभा सदस्य लेखनाथ दाहाल(राजन), नेकपा सिन्धुलीका सचिव तथा वागमति प्रदेश सभा सदस्य प्रदिप कटुवाल लगाएतले खड्काको पार्टी र विकासमा योगदानका बारेमा चर्चा गरेका थिए ।
कार्यक्रममा गाउँपालिका अध्यक्ष धनबहादुर कार्की, उपाध्यक्ष पार्वती सुनुवार, , नेपाल पत्रकार महासंघका केन्द्रीय सदस्य द्धारिका काफ्ले, नेपाल कम्युनिष्ट पार्टी फिक्कल गाउँपालिका अध्यक्ष रामप्रसाद भण्डारी, नेपाल कांग्रेस सोल्पाठानाका वडा सभापति टंक बुढाक्षेत्री लगाएतले मन्तव्य व्यक्त गरेका थिए ।
खड्काको २०५८ साल बैशाख ११ गते उपचारको क्रममा भारतको यम्स अस्पतालमा निधन भएको थियो ।
