सिन्धुली । सिन्धुली अस्पतालमा स्वास्थ्य विभागले आरटिपिसिआर मेसिन उपलब्ध गराउने भएको छ । कोरोना परिक्षणका लागि सिन्धुली, रामेछाप, दोलखा र ओखलढुंगालाई लक्षित गरि उक्त मेसिन पठाउन थालेको अस्पताल विकास समितिका अध्यक्ष प्रलाद कुमार पोखरेलले बताए ।
अस्पतालमा आर्थिक श्रोतको कमी भएको र भौतिक संरचना (भवन) को समेत अभाव भएकाले उक्त मेसिन ल्याउन समस्या भएको उनले बताएका छन । मेसिन बाहेकको प्राविधिक, आर्थिक व्यवस्थापन अस्पतालले मात्र गर्न नसक्ने भएकाले समस्या भएको पोखरेलले बताएका छन ।
Advertisement. Scroll to continue reading.
जसका लागि अस्पताल व्यवस्थापनले जिल्लाका स्थानीय तहहरुसँग समन्वयको काम अगाडि बढाएको जनाएको छ भने ल्यावका लागि भवनको खोजी समेत गरिरहेको जनाएको छ ।
केहि स्थानीय तहसँग घरभाडा व्यवस्थापनको बारेमा छलफल भए पछि भवन खोजी गर्न थालिएको अस्पतालले जनाएको छ ।
फेसबुक मार्फत प्रतिकिया दिनुहोला
