सिन्धुली । केन्द्रीय प्रयोगशाला टेकुमा गरिएको परिक्षणमा कोरोना संक्रमण फेला परेकी सिन्धुलीकी २७ वर्षिय युवतिको परिवारको थ्रोट स्वाव संकलन गरिएको छ । विहिबार कमलामाई नगरपालिका वडा नं. ९ पन्नेसीमा रहेको उनको घरका ९ जनाको स्वाव संकलन गरिएको स्वास्थ्य कार्यालय सिन्धुलीले जनाएको छ ।
युवतिमा कोरोना संक्रमण पुष्टि भएपछि बुधबार उनको घर र आसपासका अन्य ४ घर गरि ५ घर सिल गरिएको थियो । स्वास्थ्य कार्यालय प्रमुख जितेन्द्र कुमार शाहका अनुसार युवतिको कन्ट्रयाक ट्रेसिङमा रहेका उनीहरुको स्वाव संकलन गरि आरटिपिसिआर परिक्षणका लागि प्रादेशिक अस्पताल हेटौडामा पठाईने तयारी गरिएको छ ।
उनीहरुको नतिजा पछि होम क्वारेन्टाईनमा राखिएका अन्य ३२ जनाको परिक्षण गरिने छ । उक्त क्षेत्रमा सुरक्षा व्यवस्था समेत मिलाईएको छ ।
Advertisement. Scroll to continue reading.
फेसबुक मार्फत प्रतिकिया दिनुहोला
