सिन्धुली । जिल्लाका ७९ वडाका वडा सचिवहरुसँग घटना दर्ता, नागरिकता प्राप्ति तथा महिला बालबालिका सम्बन्धि कानुनी प्रावधान र कार्यान्वयन सम्बन्धि एक दिने अन्तर्क्रिया सिन्धुलीमाढीमा सम्पन्न गरिएको छ ।
जिल्ला समन्वय समिति सिन्धुलीको आयोजनामा शनिबार उक्त कार्यक्रम गरिएको हो । कार्यक्रममा नेपालको संविधानमा भएका व्यवस्था, जन्मदर्ता, नागरिकता सम्बन्धि कानुनी व्यवस्था र कानुनको कार्यान्वयनमा देखिएका चुनौतीका बारेमा छलफल गरिएको छ ।
जिल्ला समन्वय समिति सिन्धुलीका प्रमुख कार्साङ लामाको अध्यक्षतामा भएको कार्यक्रममा अधिवक्ता टंक विक्रम थापाले संविधान, घटना दर्ता सम्बन्धि कानुनी व्यवस्था, नागरिकता सम्बन्धि कानुनी व्यवस्था र कार्यान्वयनमा देखिएका चुनौतीका सम्बन्धमा कार्यपत्र प्रस्तुत गरेका थिए । यस्तै वडा सचिवहरु तथा महिला अधिकारकर्मीहरुले उठाएका जन्मदर्ता, नागरिकता लगाएतका सवालमा छलफल गरिएको थियो ।
उठेका प्रश्नहरुको जवाफ सहित कानुन कार्यान्वयन, जवाफदेहिता, वडा सचिवहरुको कर्तव्य र गर्नुपर्ने कामका बारेमा प्रमुख जिल्ला अधिकारी स्किम श्रेष्ठले सहजीकरण गरेकी थिईन् । वडा सचिवहरुलाई कानुनमा भएका व्यवस्था र व्यवहारिक पाटोलाई सम्बोधन गर्दै अगाडि बढ्न र नागरिकहरुलाई वेनागरिक बन्न नदिन निर्देशन समेत दिएकी छिन् ।
कार्यक्रममा नाागरिलाई सहजै हुने काममा बाधा अप्ठ्याराहरु सिर्जना नगर्न पनि उनले निर्देशन दिएकी छिन् । दवाव र प्रभावमा नपरि कानुनको कार्यान्वयन गर्न पनि उनले सचिवहरुलाई निर्देशन दिईन् ।
