सिन्धुली । सिन्धुलीमा दश महिनामा सवारी दुर्घटनामा परि २० जनाले ज्यान गुमाएका छन् । चालु आर्थिक वर्ष २०८२/०८३ को दश महिनाको अवधिमा जिल्लामा १ सय ४१ वटा सवारी साधन दुर्घटना भएका छन् । दुर्घटनामा परि २ सय ७९ जना घाईते भएका छन् ।
विहिबार सिन्धुलीमाढीमा पत्रकार सम्मेलन गर्दै जिल्ला ट्राफिक प्रहरी कार्यालय सिन्धुलीले दश महिनाको सवारी दुर्घटनाको अवस्थाको बारेमा जानकारी दिएको हो ।
कार्यालयका अनुसार चालु आर्थिक वर्षको साउन महिनामा ११ वटा सवारी साधन दुर्घटना भएका छन् । भदौ महिनामा १९ वटा, असोजमा २५ वटा, कार्तिकमा १८ वटा, मङ्सिरमा १३ वटा, पुषमा १९ वटा, माघमा ९ वटा, फागुनमा १७ वटा सवारी दुर्घटना भएका छन् । त्यसै गरि चैतमा १० वटा र बैशााख महिनामा ६ वटा सवारी साधन दुर्घटना भएको जिल्ला ट्राफिक प्रहरी कार्यालय सिन्धुलीका कार्यालय प्रमुख इन्स्पेक्टर मोहम्मद कलीम अन्जुमले पत्रकार सम्मेलनमा जानकारी दिए ।
उनका अनुसार साउन महिनामा सवारी दुर्घटनामा परि १ जनाको मृत्यु भएको थियो भने १३ जना घाईते भएका थिए । भदौ महिनामा ३ जनाको मृत्यु, ३३ जना घाईते भएका छन् । असोजमा १ जनाको मृत्यु, ६० जना घाईते, कार्तिक महिनामा ५ जनाको मृत्यु २६ जना घाईते, मङ्सिरमा १ जनाको मृत्यु १६ जना घाईते, पुष महिनामा १ जनाको मृत्यु, ३८ जना घाईते, माघ महिनामा ३ जनाको मृत्यु, २५ जना घाईते भएका थिए ।
त्यसै गरि फागुन महिनामा ४ जनाको मृत्यु, ३३ जना घाईते, चैत महिनामा १ जनाको मृत्यु १७ जना घाईते भएका छन् भने बैशााख महिनाका २ जनाको मृत्यु र १८ जना घाईते भएका छन् ।
उनका अनुसार अत्यधिक तीव्र गति र ओभरटेकका कारण दुर्घटना हुने गरेका छन् । यो अवधिमा प्रहरीले सवारी दुर्घटना सम्बन्धि जनचेतनामुलक कार्यक्रम समेत सञ्चालन गरि रहेको छ । कार्यालयले यो महिनामा मात्रै ४ सय ८६ वटा सचेतनामुलक कार्यक्रम गरेको र उक्त कार्यक्रमबाट ५१ हजार ९ सय ७४ जना नागरिक लाभान्वित भएको जनाएको छ ।
