सिन्धुली/सिन्धुलीमा ५ सय कैदी बन्दी बस्ने क्षमताको कारागार बन्ने भएको छ । जसका लागि काम सुरु भएको कारागार कार्यालय सिन्धुलीका प्रमुख मातृका प्रसाद पहाडिले बताए ।
उनका अनुसार १ सय ५० जना महिला र ३ सय ५० जना पुरुष कैदीबन्दीको क्षमता सहितको कारागार बन्ने छ । हाल कारागार कार्यालय रहेको क्षेत्र कनपा ५ ऐसुलुजंघारमा उक्त सुविधा सम्पन्न भवन निर्माणका लागि २०७५ पुस २८ गतेबाट काम सुरु भएको उनले बताए ।
Advertisement. Scroll to continue reading.
उक्त भवनमा खेल मैदान, खेलकुद सामग्री, लाईबे्ररी, किचन, पार्किङ, शौचालय, बाथरुम, टिभि, पत्रपत्रिका, सुरक्षाकर्मीका लागि व्यारेक, बालबालिका राख्ने स्थान लगाएतका कारागारमा दिन पाउने सबै सुविधाहरु रहने पहाडीले बताए ।
उक्त भवन तीन बर्षमा निर्माण सम्पन्न हुनेछ । ८ करोड ८८ लाख लागतमा भवन निर्माणको सम्झौता भएको पनि कारागार प्रशासनले जनाएको छ ।
फेसबुक मार्फत प्रतिकिया दिनुहोला
