सिन्धुली । मदनभण्डारी राजमार्ग अन्तर्गत हरिहरपुरगढीको सिमरासमा अटो दुर्घटना हुँदा चारजना घाईते भएका छन् । मंगलबार साँझ हरिहरपुरगढी गाउापालिका वडा नं. ५ सिमरासमा महेन्द्रझ्याडीबाट सिन्धुलीतर्फ आउँदै गरेको वा.प्र.०३–००१ ह २०६४ नम्बरको अटो आफै अनियन्त्रत भई दुर्घटना भएको जिल्ला प्रहरी कार्यालय सिन्धुलीले जनाएको छ ।
घाईते मध्ये एक जनाको अवस्था गम्भिर रहेको जिल्ला प्रहरी कार्यालय सिन्धुलीका डिएसपी सुर्यप्रकाश सुवेदीले जानकारी दिएका छन् ।
दुर्घटनामा परि मरिण गाउँपालिका वडा नम्बर १ की १३ वर्षिया कन्चन आले मगर, हरिहरपुरगढी गाउँपालिका वडा नम्बर ४ का २३ वर्षिय टेक बहादुर आले मगर, मरिण गाउँपालिका १ की ७१ वर्षिय दिलमाया राना मगर र भक्तपुर नगरपालिका वडा नम्बर १० की ३२ वर्षिय कुसुम आले मगर घाईते भएका छन् ।
घाईतेमध्ये टेक बहादुरको अवस्था गम्भिर रहेको सुवेदीले जानकारी दिए । घाईतेहरुको महेन्द्रझाडी स्वास्थ्य चौकीमा उपचार भईरहेको उनले जानकारी दिए ।
