सिन्धुली । प्रथम मेयर कप सव जुनियर राष्ट्रिय ब्याडमिन्टन प्रतियोगिता शनिवार सिन्धुलीमाढीमा सम्पन्न भएको छ । प्रतियोगितामा १३ वर्ष मुनि र १५ वर्ष मुनिको खुल्ला प्रतियोगिता गराइएको थियो ।
१३ वर्ष मुनिको खुल्ला प्रतियोगिताको उपाधि त्रिभुवन आर्मी क्लबले पाएको छ । त्रिभुवन आर्मी क्लबका दिप थिङ प्रथम भएका छन । प्रतियोगितामा नेपाल पुलिस स्कुलका प्रनिस कार्की द्धितिय र सिन्धुलीका विख्यात थापा, सुर्यदर्शन एकेडेमीका आदित्य थारु तृतीय भए ।
१५ वर्ष मुनीको खुल्ला प्रतियोगितामा सिन्धुलीका इमा तामाङ पहिलो, त्रिभुवन आर्मी क्लबका सुदेश राजकोटी दोस्रो र मोरङका प्रतीक विष्ट, दिप थिङ तेस्रो भए । प्रतियोगितामा १३ वर्ष र १५ वर्ष मुनिको खुल्ला प्रतियोगितामा १०/१० जनाले भाग लिएका थिए । प्रतियोगितामा पहिलो हुनेलाई २० हजार, दोस्रो हुनेलाई १० हजार र तेस्रो हुनेलाई ५ हजार नगद पुरस्कार सहित शिल्ड, मेडल र प्रमाणपत्र प्रदान गरिएको छ ।
यस्तै मेन्स डवल वि लेबलको प्रतियोगिता पनि सम्पन्न भएको खेलाडी पदम बहादुर मगरले जानकारी दिए । प्रतियोगितामा पदम मगर/नवराज थापा मगरको समूह पहिलो, शुक्र थिङ्ग/मनोज थापा मगरको समूह दोस्रो र विकास देवकोटा/विनोद भट्टराईको समूह तेस्रो भएको छ ।
प्रतियोगितामा पहिलो हुनेलाई २० हजार, दोस्रो हुनेलाई १० हजार र तेस्रो हुनेलाई ५ हजार नगद पुरस्कार सहित शिल्ड, मेडल र प्रमाणपत्र प्रदान गरिएको छ । प्रतियोगितामा ३२ वटा समूहले भाग लिएका थिए ।
जिल्ला ब्याडमिन्टन संघ सिन्धुलीको आयोजना तथा नगर खेलकुद विकास समिति सिन्धुलीको सहयोगमा प्रतियोगिता सम्पन्न भएको हो ।
चैत २९ र ३० गते सम्पन्न प्रतियोगिताका विजेतालाई कमलामाई नगरपालिकाका उपमेयर मञ्जु देवकोटा, कमलामाई नगरपालिका वडा नं. ६ का वडा अध्यक्ष उज्ज्वल कुमार थापाले नगद पुरस्कार, शिल्ड, मेडल, प्रमाणपत्र प्रदान गरेका थिए ।
