सिन्धुली । कमलामाई नगरपालिका वडा नं. ६ असार मसान्तभित्र वालमैत्री स्थानीय शासन कार्यान्वयन वडा घोषणा गर्ने तयारी गरिएको छ । सोहि अनुरुप बुधबार सिन्धुलीमाढीमा पत्रकारहरुसँग छलफल गरिएको छ ।
छलफलका क्रममा वडाले ८० प्रतिशत भन्दा बढी सूचकहरु पुरा गरेको वडा अध्यक्ष उज्जल थापाले बताएका छन । उनले वडाका अधिकांश सूचकहरु पुरा भएको र केहि सुधार गर्नुपर्ने सूचकहरु सुधारका क्रममा रहेको बताए ।
थापाले सदरमुकाम क्षेत्र रहेको वडा भएकाले बालमैत्री वडा बनाउन थुप्रै चुनौतीहरुको रहेको बताउँदै सबैको सहयोग र सहकार्य आवश्यक रहेको बताए ।
सबै सूचक पुरा गर्दै लगेका बताउँदै उनले वालमैत्री वडा घोषणा पछि पनि कार्यान्वयनमा चुनौती आउन सक्ने बताउँदै सबैको सकारात्मक सहयोगको अपेक्षा रहेको बताएका छन ।
कार्यक्रममा वडा सचिव जगदिश बिक्रम कार्कीले वडाका सूचकहरु कार्यान्वयनमा बसाई सराईका कारण समस्या हुने बताए । उनले ५१ वटा सूचकहरु पुरा गरि बालमैत्री स्थानीय शासन कार्यान्वयन सूचक पुरा गर्दा विकासका अत्यधिक आयामहरुमा काम गर्न पाएको बताए । वडाअध्यक्ष उज्जल थापाको अध्यक्षता एवम जिल्ला समन्वय समितिका उपप्रमुख शान्ता कार्कीले बालमैत्री वडा निर्माणका लागि वडाले गरेको कामको प्रशंसा गरिन । उनले बालमैत्री स्थानीय शासन कार्यान्वयन हुनु नै भविष्यका सवल नागरिक उत्पादन गर्नु रहेको बताईन । उनले बालमैत्री वडा बनाउन सबैको सहयोग महत्वपूर्ण रहेको भन्दै पक्षपात रहित कलम चलाएर सहयोग गर्न आग्रह गरिन ।
कार्यक्रममा बालमैत्री स्थानीय शासन कार्यान्वयनमा सहयोग गर्न जनप्रतिनिधि, पत्रकार, कर्मचारी लगाएतलाई लिखित प्रतिवद्धता गराईएको छ ।
अन्तक्र्रिया कार्यक्रम कमलामाई नगरपालिका वडा नं। ६ वडा कार्यालयको आयोजना तथा प्लान इन्टरनेशनल नेपाल र ह्याण्डस नेपालको सहयोगमा सम्पन्न भएको हो । कार्यक्रममा हरिचन्द्र घिमिरेले वडाको प्रोफाईलका बारेमा प्रस्तुतिकरण गरेका थिए ।
