सिन्धुली । नेकपा एमालेको सातौं जिल्ला अधिवेशनमा शुभकामना दिन नेकपा माओवादी केन्द्रका कोहि पनि नेता गएनन । एमालेले जिल्लाका दुई ठूला राजनीतिक दल नेपाली कांग्रेस र नेकपा माओवादी केन्द्रलाई उद्घाटन सत्रमा निमन्त्रणा गरेको थियो ।
नेपाली कांग्रेसका सभापति उज्जवल बराल भने कार्यक्रममा आफै उपस्थित भई शुभकामना दिएका छन । प्रमुख अतिथि बोल्नुभन्दा केहि समय अघि पुगेका बरालले सालिन भाषामा शुभकामना दिए ।
अधिवेशन सफलताको शुभकामना दिदैं उनले दलहरु कमजोर भएमा नेपालको राजनीतिमा पश्चगमनको खतराको घण्टी बज्ने भन्दै पार्टीहरु सुदृढ हुनुपर्नेमा जोड दिए । उनले सहमति, सहकार्य र एकता नेपाली राजनीतिमा चलिरहने प्रक्रिया भएको बताउँदै विकास निर्माणका एजेण्डामा सबै दल एक ठाउँमा हुनुपर्नेमा जोड दिए ।
उनले बहुदलीय प्रतिस्पर्धा, संसदीय व्यवस्थालाई स्वीकारीसकेपछि जनमत स्वीकार गर्नुको विकल्प नहुने समेत बताए । उनले शुभकामना दिने क्रममा जनताको शिर झुक्ने काम कुनै पनि दलले ग¥यो भने दलीय व्यवस्था नै संकटमा पर्ने समेत बताए ।
नेपाली कांग्रेसका सभापति बोलिरहदा ध्यान दिएर सुनेका एमाले अधिवेशनका प्रतिनिधिहरुले मन्तव्यको अन्तमा भने तालीले स्वागत गरे ।
